Marathi Bigg Boss 4 Update : ‘बिग बॉस मराठी’च्या (Bigg Boss Marathi) तिसऱ्या पर्वाने प्रेक्षकांचे भरपूर मनोरंजन केले. 15 स्पर्धकांसह सुरू झालेल्या या शोने प्रेक्षकांची मने जिंकली. हा सीझन संपल्यानंतर आता ‘बिग बॉस मराठी’चा पुढचा सीझन कधी येणार, याची प्रेक्षकांना आणि चाहत्यांना उत्सुकता लागून राहिली आहे. मात्र, आता प्रेक्षकांसाठी आनंदाची बातमी आहे. या शोचं नवं पर्व लवकरच सुरू होणार आहे. या शोच्या पूर्व तयारीला सुरुवात झाल्याचे म्हटले जात आहे.   


एका इंस्टापेजने या विषयी पोस्ट केली आहे. मात्र, अद्याप चॅनेलकडून यावर कोणतीही अधिकृत माहिती समोर आलेली नाही. मात्र, हा शो एप्रिल ते मे महिन्याच्या दरम्यान प्रेक्षकांच्या भेटीला येईल, अशी चर्चा सुरू आहे.


‘या’ कलाकारांना विचारणा झाल्याची चर्चा!


‘बिग बॉस मराठी 4’साठी काही कलाकारांना विचारणा झाल्याची देखील चर्चा सुरू आहे. या कलाकारांमध्ये अनिता दाते, किरण माने, अभिजीत आमकर, रुचिता जाधव, शुभांगी गोखले, निखिल चव्हाण, मृणाल दुसानीस, अक्षय केळकर यांची नावे सामील आहेत. मात्र, वाहिनीकडून अद्याप यावर कोणताही अधिकृत खुलासा झालेला नाही.


कोण करणार सूत्रसंचालन?


‘बिग बॉस मराठी’ सुरू होणार असलं, तरी या शोच्या सूत्रसंचालनाची धुरा कोण सांभाळणार यावर देखील तर्कवितर्क लढवले जात आहेत. मागील तीनही पर्वांचे सूत्रसंचालन महेश मांजरेकर यांनी लीलया पेलले होते. गतवर्षी कर्करोगामुळे महेश मांजरेकर यांनी काही भागांमधून ब्रेक देखील घेतला होता. त्यामुळे पुढील सीझन ते होस्ट करतील का? याची देखील उत्सुकता आहे.


हेही वाचा :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha