Bigg Boss Couple Breakup: 'बिग बॉस' फेम कपलचं ब्रेकअप? कुनिका सदानंदचा खुलासा, पण...; सोशल मीडियावर चर्चांना उधाण

बिग बॉस 19 मधील अभिनेत्री कुनिका सदानंद हिने याप्रकरणी मोठा खुलासा केलाय. तिच्या प्रतिक्रियेची सध्या सोशल मीडियावरही चर्चा रंगलीय. 

Bigg BOss Couple Breakup

Source : ABPLIVE AI

Awez Darbar Nagma Mirajkar Breakup: ‘बिग बॉस 19’मधील स्पर्धक आणि सोशल मीडिया इन्फ्लुएंसर आवेज दरबार (Awez Darbar) आणि नगमा मिराजकर (Nagma Mirajkar) हे गेल्या अनेक वर्षांपासून एकमेकांना डेट करत होते. काही काळापूर्वी हे दोघे सलमान खान यांच्या शोमध्येही एकत्र दिसले होते. मात्र, अलीकडे त्यांच्या ब्रेकअपच्या चर्चांनी जोर धरला आहे. आवेज दरबारच्या वाढदिवसाच्या पार्टीत नगमाच्या अनुपस्थितीमुळे या अफवांना आणखी उधाण आलं. यावर बिग बॉस 19 मधील अभिनेत्री कुनिका सदानंद हिने याप्रकरणी मोठा खुलासा केलाय. तिच्या प्रतिक्रियेची सध्या सोशल मीडियावरही चर्चा रंगलीय. 

आवेज-नगमाच्या नात्यावर पडदा?

या सगळ्या चर्चांदरम्यान ‘बिग बॉस 19’मधीलच स्पर्धक राहिलेल्या कुनिका सदानंद यांनी या प्रकरणावर मोठं वक्तव्य केलं आहे. आवेज आणि नगमासोबत तिचं चांगलं नातं असल्याने तिने या अफवांवर मौन सोडत तिने मोठे वक्तव्य केलं आहे. एका मुलाखतीत बोलताना कुनिका सदानंदने सांगितलं की, आवेज आणि नगमा आता वेगळे झाले आहेत. ही बातमी तिच्यासाठी खूप भावनिक असल्याचंही तिने म्हटलं. दोघांवर तिचे खूप प्रेम असल्यामुळे ही बातमी ऐकून तिला वाईट वाटत असल्याचं कुनिकाने स्पष्ट केलं.

आवेज नगमाकडून अधिकृत घोषणा नाही

कुनिका यांनी पुढे असंही म्हटलं की, त्यांना आशा आहे की दोघांमधील मतभेद मिटतील. मात्र, जर ते पुन्हा एकत्र आले नाहीत, तर भविष्यात त्यांना चांगले जोडीदार मिळावेत अशीही तिने इच्छा व्यक्त केली. कुनिकाच्या या वक्तव्यामुळे आवेज दरबार आणि नगमा मिराजकर यांच्या ब्रेकअपच्या बातम्यांना दुजोरा मिळाला असला, तरीही अद्याप या कपलकडून अधिकृत घोषणा करण्यात आलेली नाही. त्यामुळे चाहते अजूनही त्यांच्या प्रतिक्रिया येण्याची वाट पाहत आहेत.

आवेज आणि नगमा यांच्या रिलेशनशिपची टाइमलाइन पाहिली तर, 2019 पासून आवेज दरबार आणि नगमा मिरजकर यांच्यात डेटिंगच्या चर्चा सुरू झाल्या होत्या. मात्र, ‘बिग बॉस’मध्ये त्यांनी आपल्या नात्याला अधिकृत मान्यता दिली. इतकंच नाही तर, शोदरम्यान आवेजने नगमाला प्रपोजही केलं होतं. दोघं लवकरच लग्न करणार असल्याच्या चर्चा देखील रंगल्या होत्या. पण मार्च महिन्यात आवेजने आपला वाढदिवस मित्र आणि कुटुंबीयांसोबत साजरा केला, मात्र त्या सेलिब्रेशनमध्ये नगमा कुठेही दिसली नाही. त्यानंतरच दोघांच्या ब्रेकअपच्या चर्चांना जोर आला. आता कुनिका सदानंदच्या खुलाशाने दोघांच्या ब्रेकअपच्या चर्चांना उधाण आले आहे.