Ayushmann Khurrana : आयुष्मान खुरानाचं नवं आलिशान घर; किंमत ऐकून व्हाल अवाक्

Ayushmann Khurrana : आयुष्मानने मुंबईमध्ये एक नवं घर घेतले आहे.

Ayushmann Khurrana buys a New Apartment in Mumbai: आपल्या अभिनयाने प्रेक्षकांची मनं जिंकणारा अभिनेता आयुष्मान खुराना (Ayushmann Khurrana) नेहमी चर्चेत असतो. नुकताच त्याचा चंडीगड करे आशिकी (Chandigarh Kare Aashiqui) हा चित्रपट प्रेक्षकांच्या भेटीस आला. या चित्रपटातील आयुष्मानच्या अभिनयाचे अनेकांनी कौतुक केले. नुकतचं आयुष्मानने मुंबईमध्ये एक नवे घर घेतले आहे. या घरात आयुष्मान त्याच्या कुटुंबासोबत शिफ्ट होणार आहे. 

रिपोर्टनुसार, आयुष्मानं हे नवं घर नोव्हेंबरमध्ये खरेदी केलं आहे. त्याने नोव्हेंबर महिन्यामध्ये 96 लाख स्टँप ड्यूटी देखील भरली होती. आयुष्मानच्या या नव्या घराची किंमत 19 कोटी रूपये आहे असं म्हणलं जात आहे. या घराचे इंटेरियरचे काम सुरू आहे. लवकरच आयुष्मान पत्नी ताहिर कश्यप आणि त्याच्या मुलांसोबत या नव्या घराच शिफ्ट होणार आहे.

2021 मध्ये 'या' बॉलिवूड कलाकारांनी घेतलं कोट्यवधींचं घर

आयुष्मानप्रमाणेच बॉलिवूडमधील अनेक कलाकारांनी नवे घर घेतलं आहे.  जाह्नवी कपूर, ऋतिक रोशन, अजय देवगन ,अमिताभ बच्चन  या कलाकारांनी 2021 मध्ये घर घेतलं. जाह्नवी  कपूरने मुंबईमधील जुहू येथे आलिशान घर घेतलं आहे. एका रिपोर्टनुसार, जाह्नवीच्या या नव्या घराची किंमत 39 कोटी आहे. काही दिवसांपूर्वी अभिनेता ऋतिक रोशनने जुहू वर्सोवा लिंक रोड येथे तीन पेंट हाऊस खरेदी केले आहेत. या पेंट हाऊसची किंमत जवळपास 100 कोटी रूपये आहे. तर अजय देवगन यांनी  जुहूमध्ये घर घेतले आहे. या घराची किंमत 60 कोटी रूपये आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha