Ashwini Bhave : 'वजीर'मधील 'त्या' सीनसाठी अश्विनी भावेंनी दिग्दर्शकासमोर ठेवली होती महत्त्वाची अट, म्हणाल्या, 'साडीचा पदरही...'
Ashwini Bhave : मराठी सिनेसृष्टीतल्या एव्हरग्रीन अभिनेत्रींमध्ये अश्विनी भावे यांचं देखील नाव घेतलं जातं. नुकतच त्यांनी वजीर सिनेमातील एक अनुभव शेअर केला आहे.
Ashwini Bhave : अश्विनी भावेंच्या (Ashwini Bhave) लिंबू कलरच्या साडीने 80च्या दशकात संपूर्ण महाराष्ट्राला भुरळ घातली. अश्विनी भावे यांनी मराठी सिनेसृष्टीत 80 आणि 90चा काळ अक्षरश: गाजवला होता. त्यानंतर त्यांनी अभिनयातून ब्रेक घेत अमेरिकेत जाण्याचा निर्णय घेतला. पण पुन्हा एकदा अभिनयाची वाट धरत अश्विनी भावे या भारतात परतल्या. घरत गणपती या सिनेमातून अश्विनी भावे प्रेक्षकांच्या भेटीला येणार आहे. मराठीतल्या अनेक दिग्गज सिनेमांसोबत अश्विनी भावेंचं नाव जोडलं गेलं आहे. त्यातलीच एक सिनेमा म्हणजे 'वजीर'. याच सिनेमाचा एक अनुभव त्यांनी शेअर केला आहे.
वजीर या सिनेमात अश्विनी भावे यांच्यासोबत ज्येष्ठ दिवगंत अभिनेते विक्रम गोखले देखील होते. अनेक दिग्गज मंडळी या सिनेमात होती. पण या सिनेमातील रेप सीन करतानाचा अनुभव अश्विनी भावे यांनी नुकताच शेअर केला आहे. तसेच त्यांनी हा सीन शूट करण्यासाठी दिग्दर्शकासमोर एक महत्त्वाची अट ठेवली होती. इट्स मज्जा या युट्युब चॅनलला दिलेल्या मुलाखतीमध्ये त्यांनी यावर भाष्य केलं आहे. तसेच यावेळी त्यांनी विक्रम गोखलेंच्या आठवणी देखील शेअर केल्यात.
तेव्हा मी रेप सीन नसलेले सिनेमे करायचं ठरवलं - अश्विनी भावे
अश्विनी भावे यांनी सिनेमाचा अनुभव सांगताना म्हटलं की, 'वजीर सिनेमा करण्याआधी मी नुकताच 'पुरुष' नावाचा एक सिनेमा केला होता. ज्यामध्ये जवळपास 15 ते 20 मिनिटांचा एक रेप सीन शूट केला. 15 दिवस त्याचं शुटींग सुरु होतं. त्यानंतर मला वाटलं की,आता मला रेप सीन असलेले सिनेमे करायचे नाहीत.आता मी त्या मनस्थितीच नाही आणि वजीरमध्ये रेप सीन होता. तेव्हा मी त्या सिनेमाला नाही म्हटलं. हे ऐकून तो दिग्दर्शकही खूप नाराज झाला.'
दिग्दर्शकासमोर ठेवली 'ही' अट
पुढे त्यांनी म्हटलं की, 'त्यावेळी विक्रमने मला विचारलं की, अश्विनी काय झालं, हा सिनेमा करत नाहीयेस? मी विक्रमला सगळं सांगितलं, की मी आता त्या मनस्थितीतच नाही. ते पुन्हा पुन्हा माझ्याकडे येऊ लागले. शेवटी मी त्या दिग्दर्शकाला म्हटलं, की जर माझ्या साडीच्या पदराची पीनही न काढता रेप सीन शूट करता येत असेल, तरच मी ही सिनेमा करेन. त्यावर त्या दिग्दर्शकानेही होकार दिला. त्यामुळे मी प्रेक्षकांनाही सांगेन की मागे जाऊन तुम्ही ती क्रिएटिव्हीटी बघा. जेव्हा जेव्हा तुमच्या कामात आव्हानं येतात, त्यावेळी तुम्ही ज्या पद्धतीने मार्ग काढता, त्याला खरी क्रिएटिव्हिटी म्हणतात, जी या सिनेमात आहे.'
ही बातमी वाचा :
महत्त्वाच्या बातम्या
ट्रेंडिंग न्यूज
