Asha Bhosle Death: आशा भोसले ज्या 'चेस्ट इन्फेक्शन'शी लढत होत्या, ते नक्की का होतं? ऑर्गन फेल्युअरचा धोका कसा वाढतो? जाणून घ्या
Asha Bhosle Death: अत्यधिक थकवा आणि छातीतील संसर्गामुळे आशा भोसले यांना मुंबईतील ब्रीच कँडी रुग्णालयात उपचारांसाठी दाखल करण्यात आले होते.
Asha Bhosle Death: प्रसिद्ध ज्येष्ठ गायिका आशा भोसले यांचं आज (रविवार, १२ एप्रिल) निधन झालं. मुंबईतील ब्रीच कँडी रुग्णालयात त्यांनी अखेरचा श्वास घेतला. त्या 93 वर्षांच्या होत्या. काल (शनिवारी, ता ११) प्रकृती अस्वास्थ्यामुळे त्यांना रुग्णालयात दाखल करण्यात आलं होतं. त्यानंतर त्यांची प्रकृती चिंताजनकच होती. रुग्णालयाच्या डॉक्टरांनी आशा भोसले (Asha Bhosle Death) यांच्या निधनाचं कारण सांगितलं. सर्व अवयव निकामी झाल्याने (मल्टी ऑर्गन फेल्युअरमुळे) त्यांचं निधन झाल्याचं डॉक्टरांनी स्पष्ट केलं. त्यांना मेडिकल प्रॉब्लेम होता, असं देखील डॉक्टर म्हणाले. आशा भोसले यांच्या पार्थिवावर उद्या (सोमवार) दुपारी ४ वाजता अंत्यसंस्कार करण्यात येईल, अशी माहिती आनंद भोसले यांनी दिली. तर सकाळी ११ ते २ दरम्यान लोअर परळ इथल्या त्यांच्या निवासस्थानी अंत्यदर्शन घेता येईल.(Asha Bhosle Death)
अत्यधिक थकवा आणि छातीतील संसर्गामुळे आशा भोसले यांना मुंबईतील ब्रीच कँडी रुग्णालयात उपचारांसाठी दाखल करण्यात आले होते. उपचारादरम्यान मल्टी-ऑर्गन फेल्युअरमुळे त्यांचे निधन झाल्याची माहिती डॉक्टरांनी दिली. प्रारंभी काही माध्यमांत हृदयविकाराचा झटका आल्याची चर्चा होती. मात्र त्यांच्या नात जनाई भोसले यांनी स्पष्ट करत, छातीतील संसर्ग आणि तीव्र थकवा हीच रुग्णालयात दाखल होण्यामागची प्रमुख कारणे असल्याचे सांगितले. ब्रीच कँडी रुग्णालयातील डॉक्टर प्रतीत समदानी यांनीही त्यांच्या निधनाची पुष्टी केली आहे.(Asha Bhosle Death)
Asha Bhosle Death: छातीतील संसर्ग म्हणजे काय?
छातीतील संसर्ग हा फुफ्फुसे किंवा श्वसनमार्गांवर परिणाम करणारा आजार आहे. हा प्रामुख्याने व्हायरस किंवा बॅक्टेरियामुळे होतो. वयोमान वाढल्यास या संसर्गाचा धोका अधिक वाढतो. बहुतांश वेळा हा संसर्ग सौम्य असतो आणि औषधोपचारांनी बरा होतो; मात्र काही प्रकरणांत तो गंभीर स्वरूप धारण करून जीवघेणा ठरू शकतो.
Asha Bhosle Death: कोणत्या आजारांचा समावेश?
छातीतील संसर्गामध्ये मुख्यतः ब्रॉन्कायटिस आणि निमोनिया हे आजार आढळतात.
ब्रॉन्कायटिस: श्वसनमार्गातील मोठ्या नलिकांमध्ये सूज येते. सतत खोकला आणि कफ ही त्याची प्रमुख लक्षणे असून हा प्रामुख्याने व्हायरल संसर्गामुळे होतो.
निमोनिया: फुफ्फुसातील लहान नलिका आणि एअर सॅक्समध्ये संसर्ग होतो. हा अधिक गंभीर प्रकार असून तातडीने वैद्यकीय उपचारांची गरज भासते. विशेषतः वृद्धांमध्ये याचा धोका जास्त असतो.
Asha Bhosle Death: संसर्ग का धोकादायक ठरतो?
आरोग्य तज्ञांच्या मते, ज्यांना आधीपासून इतर आजार (कोमॉर्बिडिटी) आहेत, त्यांच्यात छातीतील संसर्ग गंभीर होण्याची शक्यता अधिक असते. योग्य वेळी उपचार न केल्यास हा संसर्ग शरीरातील इतर अवयवांवर परिणाम करून मल्टी-ऑर्गन फेल्युअरपर्यंत जाऊ शकतो.
Asha Bhosle Death: याची लक्षणे काय आहेत?
सर्दी किंवा फ्लूनंतर छातीतील संसर्ग होण्याची शक्यता असते. सतत खोकला, श्वास घेण्यास त्रास, ताप, छातीत वेदना अशी लक्षणे दिसल्यास तातडीने डॉक्टरांचा सल्ला घेणे आवश्यक आहे.
महत्त्वाच्या बातम्या
