'ती' गोष्ट अर्चना पुरणसिंहने कुटुंबियांपासून लपवली

अर्चना पुरणसिंहने खूप वेगवेगळ्या पद्धतीची कामं केली. तिने कधी व्हिलनची कामं केली. तर कधी नायकाच्या मैत्रिणीची भूमिका केली.

मुंबई : अर्चना पुरणसिंह हे नाव भारतीय सिनेप्रेमींना नवं नाही. गेली अनेक वर्षं ती सिनेसृष्टीत कार्यरत आहे. पण आता तिची चर्चा होण्याचं कारण असं की आजवर कधीच न सांगितलेली गोष्ट तिने तिच्या चाहत्यांना सांगितली आहे. कारण, ती गोष्ट अशी आहे की सिनेमात काम करणारी अभिनेत्री असल्यामुळे तिला ही गोष्ट कुटुंबियांपासून लपवावी लागली होती. तिने ही गोष्ट सांगितली. कालांतराने तिने सगळ्या गोष्टी कुटुंबियांना सांगितल्या पण त्यासाठी चार वर्ष उलटावी लागली होती.

अर्चना पुरणसिंहने खूप वेगवेगळ्या पद्धतीची कामं केली. तिने कधी व्हिलनची कामं केली. तर कधी नायकाच्या मैत्रिणीची भूमिका केली. तर कधी कुछकुछ होता है सिनेमातून ती शिक्षिका बनून आली. तिची चर्चा झाली ही द कपिल शर्मा शोमध्ये आल्यानंतर तिने आपल्या आयु्ष्यातल्या काही गोष्टी सांगितल्या. आजवर कुणालाच माहीत नसतील अशा त्या गोष्टी आहेत. अर्चना पुरणसिंहने कपिल शर्मा शोमध्ये एक महत्वाची गोष्ट सांगितली ती ती होती तिच्या लग्नाबद्दलची.

अर्चना पुरणसिंहने लग्नाबद्दल काही गोष्टी सांगितल्या. अर्चना पुरणसिंहने परमजीत सेठीसोबत लग्न केलं. परमजीत हा अभिनेता आहे. परमजीतच्या घरच्यांना..त्याच्या कुटुंबियांना परमजीतच्या पत्नीने अभिनेत्री असू नये असं वाटत नव्हतं. पण हा विरोध पत्करून परमजीतने अर्चनासोबत लग्न केलं. पण लग्न केलं तरी दोघांनी हे लग्न परमजीतच्य कुटुंबियांपासून लपवलं होतं एक दो वर्षं नव्हे, तर तब्बल चार वर्षं या दोघांनी आपण केलेलं लग्न लपवलं होतं. त्यानंतर त्यांनी ही गोष्ट घरच्यांना सांगितली.

अर्चना आणि परमजीत या दोघांनी लग्न करून एकमेकांना खूप सांभाळून घेतलं. लॉकडाऊन काळात इन्स्टाग्रामवर आपल्या घराचे अनेक फोटो आणि क्लिप्स टाकल्या आहेत. त्यात आता सेठी कुटुंबियांनी अर्चना यांना स्विकारल्याचं दिसतं. अर्चना पुरणसिह सातत्याने चर्चेत आली ती कपिल शर्मा शोमुळे. कपिल शर्मा आणि अर्चना पुरणसिंह यांचं कॉम्बिनेशन लोकांना आवडल्यामुळे ही जोडी दिसू लागली. या शोमध्ये अर्चना यांच्या आधी नवज्योतसिंह सिद्धू होते.