Anurag Kashyap on Diljit Dosanjh: 'सतलज' चित्रपट हटवल्यानंतर दिग्दर्शक अनुराग कश्यपचं प्रेक्षकांना आवाहन; चित्रपट नक्की बघा, पायरेटेड असला तरी...
Anurag Kashyap on Diljit Dosanjh Satluj: दिलजीत दोसांझच्या 'सतलज'ला विरोध का?
Anurag Kashyap on Diljit Dosanjh Satluj Movie: दिलजीत दोसांझचा (Diljit Dosanjh) 'सतलज' (Satluj) हा सिनेमा (Entertainment) सध्या वादाच्या भोवऱ्यात अडकला आहे. या चित्रपटाच्या संबंधित परिस्थिती अधिक चिघळत चालली आहे. 'सतलज' हा सिनेमा 3 जुलै रोजी रिलीज करण्यात आला होता. पण हा सिनेमा ओटीटी प्लॅटफॉर्मवर रिलीज होणार नाही. दरम्यान, ओटीटी प्लॅटफॉर्मवरुन सिनेमा काढून टाकण्याच्या निर्णयाला आता एक नवीन वळण मिळाले आहे. दिग्दर्शक अनुराग कश्यप यांनी उघडपणे या सिनेमाला समर्थन दर्शवलं आहे. तसेच हा सिनेमा पाहावा, असे लोकांना आवाहन केले आहे. त्याने म्हटलं की, चित्रपटावर बंदी घातल्याने हा सिनेमा पाहण्याची प्रेक्षकांची उत्सुकता अधिक वाढते, असं म्हटलं आहे.
Honey Trehan दिग्दर्शित हा सिनेमा झी फाइव्ह या ओटीटी प्लॅटफॉर्मवर रिलीज करण्यात आला होता. मात्र, 48 तासांत हा सिनेमा ओटीटी प्लॅटफॉर्ममधून काढण्यात आला. या सिनेमाने देशभरात खळबळ उडवली आहे. अनुराग कश्यपने आपल्या इन्स्टाग्रामवर झी फाईव्हची एक पोस्ट शेअर केली आहे. या पोस्टमध्ये त्याने म्हटलं की, 'हा सिनेमा आता भारतात स्ट्रीम होणार नाही. मी यापूर्वी हा सिनेमा पाहण्याचा विचार केला नव्हता. पण आता हा सिनेमा मी नक्की पाहणार. कारण मला कळेल की, हा सिनेमा ओटीटीमधून हटवण्याचं नेमकं कारण आहे तरी काय?', असं त्याने म्हटलं.
यानंतर कश्यपने इन्स्टाग्रामवर एक स्टोरी शेअर केली आहे. या स्टोरीवर सोशल मीडियात व्हायरल होत असलेला एडिटेड व्हिडीओ आहे. या पोस्टमध्ये असा दावा करण्यात आला आहे की, अर्जून रामपालचा एक सीन हे चित्रपट ओटीटीमधून काढून टाकण्याचे मुख्य कारण होते. यावर प्रतिक्रिया देताना अनुरागने यावेळेस लोकांना हा सिनेमा पाहण्याचे आवाहन केले आहे. 'सर्वांनी हा सिनेमा नक्की पाहावा. पायरेटेड वर्जन पाहावी लागली तरी चालेल...', असं म्हणत अनुरागने हा सिनेमा पाहण्यासाठी लोकांना आवाहन केलं.
दिलजीत दोसांझच्या 'सतलज'ला IMDbवर जबरदस्त रेटिंग
अनुराग कश्यपने सिनेमाला मिळालेल्या IMDb रेटिंगचा स्क्रीनशॉट सोशल मीडियात शेअर केला आहे. पोस्टमध्ये दिलजीत दोसांझच्या फोटोसह IMBDbवर नंबर वन असे दिसत आहे. 'सतलज हा सिनेमा या वर्षीचा सर्वाधिक रेटिंग 9.5 रेटिंग मिळवणारा सिनेमा ठरला आहे'. पण आता IMDbमधूनही या सिनेमाची रेटिंग हटवण्यात आली असल्याची माहिती आहे.
महत्त्वाच्या इतर बातम्या:
महत्त्वाच्या बातम्या
