जलोटा म्हणतात जसलीनसोबत मी लग्न करणारच नव्हतो

गझलनवाज अनुप जलोटा यांना जसलीनवरून वारंवार विचारलंही गेलं. त्यानंतर पुन्हा एकदा यांचा नातेसंबंध प्रकाशात आला आहे. त्याला कारणीभूत ठरलं आहे अनुप जलोटा आणि जसलीन यांचं फोटोशूट.

मुंबई : बिग बॉसच्या सीझनमधून काय समोर येईल याची शाश्वती नसते राव. काहीही होऊ शकतं. आपल्या मराठी बिग बॉसमध्ये काय काय बघायला मिळतं. तिथे अफेअर्स होता.. भांडणं होतात.. जवळीक निर्माण होते.. काहीही होतं. मराठीची ही अवस्था तिथे हिंदीचं काय सांगावं. हिंदीचा बिग बॉस येणार असला की काहीतरी खमंग बघायला मिळणार ही हमी असते.

गेल्या वर्षीचा बिग बॉसचा सीझनही असाच खुसखुशीत होता. आणि हा सीझन गाजवला होता तो अनुप जलोटा आणि जसलीन मथारू यांनी. अवघ्या तिशीतली जसलीन आणि पासष्ठीचे अनुप जलोटा यांच्या लीला पाहून प्रत्येक दर्शक अवाक झाला होता. गझलनवाज अनुप जलोटा यांना जसलीनवरून वारंवार विचारलंही गेलं. त्यानंतर पुन्हा एकदा यांचा नातेसंबंध प्रकाशात आला आहे. त्याला कारणीभूत ठरलं आहे अनुप जलोटा आणि जसलीन यांचं फोटोशूट.

जसलीन आणि अनुप जलोटा यांनी एक वेडिंग फोटोशूट केलं आहे. त्याचे फोटो व्हायरल झाले आहेत. त्यावर अनुप जलोटा यांना विचारल्यावर ते म्हणतात, 'जसलीनसोबत मी लग्न करणार नव्हतोच. आत्ता कशाला माझं वय जर 35 असतं तरीही मी तिच्यासोबत लग्न करणार नव्हतो. कारण तिचं राहणीमान वेगळं आहे. तिची ड्रेसिंग स्टाईल.. तिचा वावर पाहता ती माझ्या कुटुंबात येणं शक्यच नव्हतं. आता त्या फोटोचं म्हणाल तर ते आम्ही फोटोशूट केलं होतं. ते फोटो आता व्हायरल झाले आहेत.

अनुप जलोटा बिग बॉसच्या सीझनमध्ये बरेच गाजले होते. त्यांच्य जसलीनसोबतच्या गप्पा चवीचवीने पाहिल्या जात होत्या. बिग बॉसमधून बाहेर पडल्यावर त्यांना याबाबत विचारलंही गेलं होतं तेव्हाही त्यांनी आपल्या जसलीनसोबतच्या संबंधांचा इन्कार केला होता. पण वेडिंग फोटोशूट पुन्हा व्हायरल झाल्यावर ही चर्चा पुन्हा होऊ लागली.