Shah Rukh Khan at Ambani Wedding : रिलायन्स इंडस्ट्रीज लिमिटेडचे चेअरमॅन मुकेश अंबानी (Mukesh Ambani) आणि नीता अंबानी (Nita Ambani) यांचा धाकटा मुलगा अनंत अंबानीचा (Anant Ambani) राजेशाही विवाहसोहळा मोठ्या थाटामाटात पार पडला. या विवाहसोहळ्याला दिग्गज राजकीय नेतेमंडळींसह अक्षरश: संपूर्ण बॉलिवूड अवतरलं होतं. या लग्नसोहळ्यात बॉलिवूडचा किंग खान देखील आपल्या कुटुंबीयांसह उपस्थित होता. मात्र, या लग्नसोहळ्या दरम्यान किंग खानच्या (Shah Rukh Khan) एका कृत्याचं कौतुक सध्या सोशल मीडियावर होतंय.
बॉलिवूडचा किंग खान नेहमीच आपल्या वेगवेगळ्या कृत्यांनी चाहत्यांचं मन जिंकतो. अंबानींच्या विवाहसोहळ्यात देखील शाहरुखच्या याच कृत्याने लोक अक्षरश: भारावून गेले आहेत. या लग्नसोहळ्यात बिग बी अमिताभ बच्चन (Amitabh Bachchan) आणि जया बच्चन यांना भेटताना शाहरूख खान वाकून पाया पडला. त्यांना नमस्कार केला यावेळी बिग बींनी त्याला आशीर्वादही दिले. तसेच, शाहरुखने या ठिकाणी उपस्थित असलेले सुपरस्टार रजनीकांत, त्यांची पत्नी यांच्या देखील पाया पडल्या. या व्हिडीओला पाहताच शाहरूखने पुन्हा एकदा चाहत्यांचं मन जिंकलं आहे.
अर्थात, अनंत अंबानी आणि राधिका मर्चंटच्या विवाहसोहळ्या दरम्यान अनेक व्हिडीओ व्हायरल झाले. पण, शाहरूखचं हे जेस्चर मात्र सर्वांना भावलं.
सोशल मीडियावर कमेंट्सचा वर्षाव
शाहरूखचा हा व्हिडीओ सोशल मीडियावर तुफान व्हायरल होतोय. अवघ्या काही तासांतच हा व्हिडीओ 90 हजारांहून अधकि लोकांपर्यंत पोहोचला आहे. तसेच, या व्हिडीओवर चाहत्यांच्या इंटरेस्टिंग कमेंट्सही पाहायला मिळतायत. या कमेंटमध्ये एका फॅनने लिहीलं आहे. "दॅट्स व्हाय आय एम जबरा फॅन." तर, दुसऱ्या फॅनने म्हटलं आहे, म्हणूनच तर आम्ही म्हणतो, की प्रत्येकजण SRK नाही होऊ शकत. तर, आणखी एका यूजरने लिहीलं आहे, K3G Scene Rewind.
महत्त्वाच्या बातम्या :