Anandi Marathi Serial: 'आनंदी' सारख्या नेत्रहीन प्रेक्षकांसाठी स्टार प्रवाहचा अभिनव उपक्रम, ब्रेल जाहिरातीचा अनोखा प्रयोग
Marathi serial Anandi Introduces Braille Promotion: आनंदी मालिकेच्या निमित्ताने स्टार प्रवाह वाहिनीचा अभिनव उपक्रम. दृष्टीहीन प्रेक्षकांपर्यंत मालिकेचा संदेश पोहोचवण्यासाठी केला ब्रेल जाहिरातीचा अनोखा प्रयोग.
Anandi Marathi Serial Braille Advertisement Initiative: स्टार प्रवाह वाहिनीवर (Star pravah) सध्या 'आनंदी' (Anandi) या मालिकेची प्रचंड चर्चा होत आहे. पहिला एपिसोड टीव्हीवर टेलिकास्ट होताच प्रेक्षकांकडून (Marathi serial) भरभरुन प्रतिसाद मिळाला. स्टार वाहिनीवरील मालिका कायम नवीन, निरनिराळे आणि सामाजिक तसेच वास्तवाशी जोडलेल्या विषयांवर आधारीत असतात. अशीच एक मालिका आता प्रेक्षकांच्या भेटीस येत आहे, ती मालिका म्हणजे'आनंदी'. या वेगळ्या धाटणीच्या मालिकेत आपल्याला एका अंध मुलीची कथा पाहायला मिळणार आहे. या मालिकेतील 'आनंदी'चा साधेपणा हा प्रेक्षकांना प्रचंड आवडत आहे.
'आनंदी' या मालिकेत तरुणी अपघातात दृष्टी गमावते. तरीही ती आयु्ष्याकडे अत्यंत सकारात्मक दृष्टिकोनातून पाहते. 'आनंदी'ला जरी आपल्या डोळ्यातून जग दिसत नसले तरीही, मनाने आणि संवेदनातून ती संपूर्ण जग अनुभवत असते. आनंदीचा प्रवास अनेकांसाठी प्रेरणादायी ठरत आहे. ही मालिका प्रेक्षकांमध्ये कुतूहल निर्माण करते. दरम्यान, या वेगळ्या आणि अर्थपूर्ण विषयाला साजेसा एक अनोखा उपक्रम स्टार प्रवाह वाहिनीने नुकताच राबवला आहे.
दृष्टीहीन प्रेक्षकांसाठी त्यांनी एक अनोखा उपक्रम राबवला आहे. नेत्रहीन प्रेक्षकांपर्यंत मालिकेचा संदेश पोहोचवण्यासाठी वाहिनीकडून ब्रेल लिपीत जाहिरात करण्यात आली आहे. समाजातील प्रत्येक घटकाचा विचार करणारी ही कृती स्टार प्रवाहच्या संवेदनशीलतेचं आणि समावेशक दृष्टिकोनाचं उत्तम उदाहरण म्हणता येईल. मनोरंजनासोबतच सामाजिक जाणीव जपणाऱ्या या उपक्रमाचं सर्व स्तरांतून कौतुक होत आहे.
ब्रेल लिपीत 'आनंदी' या मालिकेची जाहीरात केल्यामुळे अंध प्रेक्षकांनाही या मालिकेविषयी प्रचंड कौतुक आहे. मनोरंजनासोबतच सामाजिक जाणीव जपणाऱ्या या उपक्रमाचं सर्व स्तरांतून कौतुक होत आहे. दरम्यान, 'आनंदी' ही मालिका केवळ मनोरंजन नाही, तर प्रत्येकाला आयुष्याकडे नव्या नजरेने पाहायला शिकवणारा एक सुंदर अनुभव ठरणार आहे. 'आनंदी' ही मालिका स्टार प्रवाह या वाहिनीवर 9:30 वाजता पाहता येईल.
'आनंदी' मालिकेची स्टार कास्ट (Anandi Marathi Serial)
'आनंदी' या मालिकेत 'आनंदी' हे पात्र जाई खांडेकर (Jaaee Khandekar) ही अभिनेत्री साकारत आहे. तर, अभिनेते अरुण नलावडे (Arun Nalawade) हे आनंदी या पात्राच्या आजोबांची भूमिका साकारत आहे. तसेच अभिनेते समीर धर्माधिकारी (Sameer Dharmadhikari) प्रसिद्ध उद्योगपती युगंधर निंबाळकर यांची भूमिका साकारत आहे. या मालिकेत नवनवीन वळणं आपल्याला पाहायला मिळत असून, लवकरच रामनवमी विशेष एपिसोड प्रेक्षकांच्या भेटीस येईल.
महत्त्वाच्या बातम्या
