Amitabh Bachchan : प्रशांत दामलेंसाठी बिग बींची खास पोस्ट; फोटो शेअर करत बच्चन म्हणाले...
Amitabh Bachchan : नुकतेच प्रशांत दामले यांच्या नाटकाच्या कारकिर्दीचे 12 हजार पाचशे प्रयोग पूर्ण झाले. या निमित्ताने त्यांच्या कार्याचं संपूर्ण देशभरात कौतुक केलं जात आहे.
Amitabh Bachchan : मराठी रंगभूमीवरील चिरतरूण अभिनेते, निर्माते, दिग्दर्शक प्रशांत दामलेंसाठी (Prashant Damle) 'बिग बी' अमिताभ बच्चन (Amitabh Bachchan) यांनी खास पोस्ट शेअर केली आहे. या पोस्टमध्ये त्यांनी मी त्यांच्या कामाचा चाहता अशा शब्दांत प्रशांत दामले यांचे कौतुक केलं आहे. नुकतेच प्रशांत दामले यांच्या नाटकाच्या कारकिर्दीचे 12 हजार पाचशे प्रयोग पूर्ण झाले. या निमित्ताने त्यांच्या कार्याचं संपूर्ण देशभरात कौतुक केलं जात आहे. राजकीय मंडळींपासून सिने कलाकारांपर्यंत सगळेच त्यांच्या या प्रवासाबद्दल अभिनंदन करताना दिसतात. बॉलिवूडचे बिग बी अमिताभ बच्चन यांनी देखील ट्विटरच्या माध्यमातून प्रशांत दामले यांना शुभेच्छा दिल्या आहेत.
T 4460 - प्रशांत दामले यांचा 12,500 प्रयोगांचा विक्रम आज होतो आहे. 39 वर्षांत एवढे
— Amitabh Bachchan (@SrBachchan) November 6, 2022
प्रयोग करणं ही कौतुकाची गोष्ट आहे! मी 'एका लग्नाची गोष्ट' या 1000 व्या प्रयोगाला गेलो होतो .. आज मी उपस्थित नसलो तरी मनाने मी तिथेच तुमच्याबरोबरच आहे! माझ्याकडून प्रशांतजींना हार्दिक शुभेच्छा! pic.twitter.com/XnHYnMqnJQ
बिग बी यांनी ट्विटमध्ये म्हटले आहे की, "प्रशांत दामले यांचा 12,500 प्रयोगांचा विक्रम आज होतो आहे. 39 वर्षांत एवढे प्रयोग करणं ही कौतुकाची गोष्ट आहे! मी 'एका लग्नाची गोष्ट' या 1000 व्या प्रयोगाला गेलो होतो. आज मी उपस्थित नसलो तरी मनाने मी तिथेच तुमच्याबरोबरच आहे! माझ्याकडून प्रशांतजींना हार्दिक शुभेच्छा!" अशा शब्दांत अमिताभ बच्चन यांनी प्रशांत दामले यांचं कौतुक केलं आहे.
T 4460 - Today Prashant Damle ji is performing his record 12,500th show .. in just 39 years! I was in the audience he did the 1000th show of Eka
— Amitabh Bachchan (@SrBachchan) November 6, 2022
Lagnachi Goshta .. I might not be physically there but my mind and
heart are there with you .. My best wishes to Prashant
ji and all! pic.twitter.com/FfRnbLpp7M
12,500 प्रयोगाचा टप्पा पार
मराठी रंगभूमी गाजविणारे नट म्हणजेच प्रशांत दामले. गेली तीन दशके मराठी रंगभूमीवरील ‘बुकिंगचा सम्राट’ म्हणून प्रशांत दामले ओळखले जातात. त्यांच्या या प्रदीर्घ कारकीर्दीत त्यांनी अनेक विक्रम केले. आज मुंबईतील षण्मुखानंद सभागृहात प्रशांत दामले यांच्या नाटकाचा 12,500 वा प्रयोग पार पडला. हा प्रयोग यशस्वी होताच त्यांचं देशभरात लोकांकडून भरभरून कौतुक होत आहे.
महत्वाच्या बातम्या :
महत्त्वाच्या बातम्या
