Amitabh Bachahan : अमिताभ यांचं ट्विट पुन्हा चर्चेत, "एका रात्रीची बाई" मराठी सिनेमाच्या पोस्टरने वेधलं लक्ष
Amitabh Bachahan : अमिताभ बच्चन यांनी एका मराठी सिनेमाचं पोस्टर त्यांच्या सोशल मीडिया अकाऊंटवरुन शेअर केलं आहे.
Amitabh Bachahan : नुकतीच 'एका रात्रीची बाई' या मराठी सिनेमाचा ट्रेलर प्रेक्षकांच्या भेटीला आला. या सिनेमाच्या नावाने साऱ्यांचं लक्ष वेधून घेतलं होतं. त्याताच आता अमिताभ बच्चन (Amitabh Bachahan) यांनी देखील या सिनेमाचं पोस्टर नुकतच त्यांच्या सोशल मीडियावर शेअर केलं आहे. त्यामुळे पुन्हा एकदा हा सिनेमा चर्चेत आला आहे.
कोलकाता, बदलापूर, दिल्ली यांसारख्या शहरांमधील घटना समोर येत असतानाच, त्यावेळी अशा शिर्षकाच्या मराठी चित्रपटाचे पोस्टर थेट अमिताभ बच्चन यांनी ट्विट केल्याने प्रेक्षकांच्या माना उंचावल्या आहेत.आपले महाविद्यालयीन शिक्षण पूर्ण केल्यावर एकत्र येऊन या तरुणांनी बनवलेल्या "एका रात्रीची बाई" या चित्रपटाला आता अमिताभ बच्चन यांनी देखील पसंती दर्शवली असल्याचं पाहायला मिळतंय.
अमिताभ यांचं ट्विट काय?
अमिताभ यांनी एक्स पोस्ट करत या सिनेमाचं पोस्टर शेअर केलं आहे. तसेच त्यांनी या सिनेमाला शुभेच्छा देखील दिल्या असल्याचं पाहायला मिळालं आहे. अनेकांनी यावर कमेंट्स करत या सिनेमाचं कौतुकही केलं आहे. त्यामुळे या सिनेमात नेमकं काय पाहायला मिळणार याची उत्सुकताही अनेकांना लागून राहिली आहे.
लवकरच सिनेमाची तारीख जाहीर होणार
दरम्यान राजन खान यांच्या कथेवर हा सिनेमा आधारित आहे. तसेच एकाच खोलीत फक्त तीन पात्रांवर हा सिनेमा चित्रित झाला आहे. त्याचप्रमाणे सेन्सॉर बोर्डानेकडून या सिनेमाला सर्टिफिकेट देण्यात आलं आहे. त्यामुळे आता लवकरच हा सिनेमागृहांत प्रेक्षकांच्या भेटीला येणार आहे. सध्या या सिनेमाचा ट्रेलरही सोशल मीडियावर प्रदर्शित करण्यात आला आहे. त्यामुळे लवकरच या सिनेमाची तारीखही जाहीर करण्यात येणार असल्याचं म्हटलं आहे.
ही बातमी वाचा :
T 5115 - All good wishes .. pic.twitter.com/1TXnnCyJqw
— Amitabh Bachchan (@SrBachchan) August 27, 2024
Subodh Bhave : सुबोध भावे राजकारणाकडे वळणार? म्हणाला, 'मला विश्वास आहे, मी महाराष्ट्राचा मंत्री...'
महत्त्वाच्या बातम्या
ट्रेंडिंग न्यूज
