Alpha Box Office Collection: हृतिक रोशनचा कॉमिओ, आलिया भट्टची जबरदस्त फायटिंग तरीही बॉक्स ऑफिसवर सपशेल आपटला अल्फा; 5 दिवसांत केवळ इतकेच कमावले
धुरंधर, राझी, सरफरोश यासारख्या वास्तववादी स्पाय थ्रिलर चित्रपटांशी या सिनेमाची तुलना होत आहे. त्यामुळे 'अल्फा' चित्रपट कथानकात कमकुवत ठरताना दिसतोय.
Alpha Box office collection: आदित्य चोप्राची निर्मिती असलेला अल्फा हा चित्रपट बॉक्स ऑफिसवर सपशेल पडल्याचं चित्र आहे. प्रदर्शनाच्या पाचव्या दिवशी या चित्रपटाने केवळ 4.89 कोटी रुपयांची कमाई केली. 'ओपनिंग डे'ला या चित्रपटाने केवळ 9 कोटी 25 लाख रुपयांची कमाई केली होती. वीकेंडचा काहीसा फायदा या चित्रपटाला झाला मात्र तोही विशेष नव्हता. प्रदर्शनाच्या पाचव्या दिवशी या चित्रपटाने भारतभरात केवळ 50.23 कोटी रुपयांची कमाई केली आहे.परदेशात 19.80 कोटींचं कलेक्शन या चित्रपटाने केलं. धुरंधर, राझी, सरफरोश यासारख्या वास्तववादी स्पाय थ्रिलर चित्रपटांशी या सिनेमाची तुलना होत आहे. त्यामुळे 'अल्फा' चित्रपट कथानकात कमकुवत ठरताना दिसतोय.
अल्फाचं आत्तापर्यंतचं बॉक्स ऑफिस कलेक्शन किती?
आलिया भट्ट, शर्वरी वाघ, बॉबी देओल आणि अनिल कपूर यांच्या प्रमुख भूमिका असलेल्या या चित्रपटाचे ट्रेलरमुळे या चित्रपटाकडून प्रेक्षकांच्या अपेक्षा वाढल्या होत्या. शिवाय हृतिक रोशनच्या कोमिओमुळेही या चित्रपटाची चांगली सुरुवात झाली. या चित्रपटाला भारतात 50.23 कोटी रुपयांची कमाई केली असून जगभरात या चित्रपटाने 70.3 कोटी रुपये कमावले आहेत.पहिल्या दिवशी या चित्रपटाने भारतात 9.25 कोटी रुपये कमावले आहेत.दुसऱ्या दिवशी 11.50 कोटी, 13.25 कोटी, वीकेंडला कमावल्यानंतर सोमवार आणि मंगळवारी या चित्रपटाने 4.54 कोटी आणि 4.89 कोटी रुपयांची कमाई केली. त्यामुळे भारतातील या चित्रपटाची कमाई केवळ 42.10 कोटी रुपये झाली आहे.येत्या आठवड्यात पुन्हा एकदा वीकेंडचा फायदा या चित्रपटाला होण्याची शक्यता वर्तवली जातेय.
काय आहे अल्फाचं कथानक?
कारगिल युद्धाच्या दुसऱ्या दिवशी या कथेची सुरुवात होते.फतेह सिंग (बॉबी देओल ) लष्करी अधिकारी विक्रांत कौल (अनिल कपूर ) यांचं एक गुप्त मिशन 'अल्फा' साठी टीम तयार करण्याच्या सूचना देण्यात येतात. अल्फा कमांडोज असे वीर असतात, जे शत्रूची पापणी लवते ना लवटे तोच त्याला पराभूत करण्याची चपळही त्यांच्यात असते. त्यांच्या असामान्य आणि ताकदीने लढण्याच्या कौशल्यामुळे ते -30 अंश तापमानातही ताट उभे राहू शकतात. पण या मिशनमध्ये असलेल्या त्रुटी पाहिल्यानंतर हे मिशन रद्द करण्यात येतं. आणि नंतर सुरू होतो, सुडाचा थरार. आलिया भट्ट आणि शर्वरी वाघ यांची प्रचंड ॲक्शन या चित्रपटात पाहायला मिळते.
महत्त्वाच्या बातम्या
