आलिया भट्ट सोशल मीडिया अकाऊंट डिलीट करणार? म्हणाली, 'मला फक्त अभिनेत्री...
Alia Bhatt Opens Up About Motherhood: आलिया भट्टने मातृत्वाबद्दल भावनिक आणि प्रामाणिक मत व्यक्त केलं.
Alia Bhatt Opens Up About Motherhood: बॉलिवूड अभिनेत्री आलिया भट्ट चित्रपटांसह वैयक्तिक आयुष्यामुळेही चर्चेत असते. ती आपल्या परिवारातील काही फोटो सोशल मीडियात शेअर करत असते. आलिया सोशल मीडियातही तितकीच सक्रीय असते. तिच्या बहुतांश पोस्टमध्ये आलिया रणबीर आणि मुलगी राहासोबत दिसते. आई झाल्यानंतर तिनं आपल्या करिअरमधून ब्रेक घेतला नाही. तिनं अविरत आपले कार्य सुरू ठेवले. तिच्या चित्रपटांना आणि अभिनयालाही प्रेक्षकांकडून पसंती मिळते. सध्या तिची मातृत्व आणि करिअरमध्ये तारेवरची कसरत सुरू आहे. अलिकडेच एका मुलाखतीतून तिनं मातृत्वाबद्दल उघड भाष्य केलं आहे. तसेच सोशल मीडिया अकाऊंट डिलीट करण्याचा विचार करत असल्याचंही तिनं सांगितलं.
View this post on Instagram
एका मुलाखतीत आलिया भट्टला तिच्या मातृत्वाबद्दल विचारण्यात आले. मातृत्वाबद्दल अभिनेत्री म्हणाली, "हे मोठे परिवर्तन आहे. जे नऊ महिन्यांत घडते. आपल्याला शरीर आणि मानसिकतेत बरेच बदल जाणवतात. पण जेव्हा पोटात वाढवलेलं नऊ महिन्यांचं मुल आपल्या आयुष्यात येतं, तेव्हा त्याचा इतका खोलवर परिणाम होतो, पूर्वीसारखे परत तसेच आयुष्य जगणे कठीण होते. जवळजवळ अशक्य होते", असं अभिनेत्री म्हणाली. सध्या आलिया भट्ट लेक राहासोबत मातृत्व जगत आहे.
सोशल मीडिया डिलीट करण्याच्या निर्णयावरून अभिनेत्री म्हणते, "असे बऱ्याचदा होते, मी सकाळी उठते आणि सोशल मीडिया डिलीट करण्याचा विचार करते. मला अशी अभिनेत्री व्हायची आहे, जी फक्त आणि फक्त अॅक्टिंग करेल. मला या चर्चेत अडकून राहायचं नाही. मला माहित आहे की, यामुळे माझा कॉन्टेक्ट तुटेल. जे सुरुवातीपासून मला पाठिंबा देत आहेत, त्यांच्यासोबताच संवाद कमी होईल, म्हणून मी इच्छा असूनही सोशल मीडिया डिलीट करू शकत नाही", असं आलियाने स्पष्ट केलं.
"माझ्या वैयक्तिक आयुष्याबद्दल सांगायचे झाले तर, मी खूप पर्सनल आयुष्य जगते. माझी फोटो गॅलरी राहाच्या फोटोंनी भरला आहे. आता माझे वैयक्तिक फोटो क्लिक करण्यासाठी मला खूप मेहनत घ्यावी लागते", असंही आलिया म्हणाली. आलिया भट्ट लवकरच संजय लीला भन्साळी निर्मित लव्ह अँड वॉर या चित्रपटात दिसणार आहे.
महत्त्वाच्या बातम्या
