'अल्फा'च्या सेटवर राडा; आलियाचं नेमकं कुणासोबत वाजलं? चित्रपट कधी अन् कुठे रिलीज होणार?
Alia Bhatt and Bobby Deol Reportedly Clash: अल्फा चित्रपटाच्या सेटवर आलिया भट्ट आणि बॉबी देओल यांच्यात वाद झाल्याची चर्चा.
Aditya Chopra Steps In After On-Set Dispute: आलिया भट्ट सध्या तिचा आगामी चित्रपट 'अल्फा'मुळे चर्चेत आहे. यशराज फिल्म्स बॅनरखाली तयार होणाऱ्या या चित्रपटात दिग्गज कलाकारांचा समावेश आहे. या चित्रपटाची सध्या शूटिंग सुरू आहे. दरम्यान, हा सिनेमा सध्या कलाकार किंवा शूटिंगमुळे नसून, वेगळ्याच कारणामुळे चर्चेत आला आहे. अल्फाच्या सेटवर दोन कलाकारांमध्ये वाद झाला असल्याची माहिती आहे. आलिया भट्ट आणि बॉबी देओल यांच्यात भांडण झाले असल्याची माहिती आहे. क्रिएट्विह मतभेदांमुळे दोघांमध्ये वाद आणि शा‍ब्दिक बाचाबाची झाली. दरम्यान, निर्मात्यांकडून अधिकृत माहिती समोर आलेली नाही.
मीडिया रिपोर्ट्सनुसार, अल्फा या चित्रपटाचे शूटिंग सुरू आहे. बॉबी देओल आणि आलिया भट्ट शूटसाठी गेले होते. बॉबी देओलच्या शूटदरम्यान आलिया भट्ट सारख्या सूचना देत असल्याची माहिती आहे. बॉबी देओलने आलिया भट्टच्या सूचनांवर तातडीने आक्षेप घेतला. याच कारणामुळे सेटवर तणावपूर्ण वातावरण निर्माण झाले होते. शा‍ब्दिक बाचाबाचीमुळे भांडण टोकाला गेले. परिस्थिती बिकट झाल्यानंतर, या प्रकरणात निर्माता आदित्य चोप्रा यांना आक्षेप घ्यावा लागला. त्यांनी परिस्थिती हाताळण्याचा प्रयत्न केला, अशी माहिती आहे. दरम्यान, या प्रकरणानंतर बी टाऊनमध्ये खळबळ उडाली.
मीडिया रिपोर्ट्सनुसार, अल्फा हा चित्रपट ओटीटी प्लॅटफॉर्मवर रिलीज होऊ शकतो, अशी माहिती आहे. सुत्रांनी दिलेल्या माहितीनुसार, 'निर्माता आदित्य चोप्राला आशा होती की रानी मुखर्जी अभिनीत मर्दानी 3 हा फिमेल हिरो चित्रपट सिनेमागृहात चालेल. अल्फा या आगामी चित्रपटातही आलिया भट्टला मेन लीड दाखवण्याचा प्रयत्न आहे. परंतु, मर्दानी 3 ला प्रेक्षकांकडून हवा तसा प्रतिसाद मिळाला नाही. मर्दानी 3 आणि वॉर 2 या चित्रपटाला मिळालेल्या अपयशामुळे अल्फा हा चित्रपट सिनेमागृहात नसून, थेट ओटीटी प्लॅटफॉर्मवर प्रदर्शित होण्याची शक्यता आहे. ओटीटी प्लॅटफॉर्मच्या रिलीजबाबत आलिया भट्टने थेट नाराजी व्यक्त केल्याची माहिती आहे.
अल्फा हा चित्रपट YRFच्या स्पाय युनिव्हर्समधील पहिला फिमेल लीड चित्रपट असणार आहे. हा चित्रपट नेमकं कोणत्या प्लॅटफॉर्मवर रिलीज केला जाईल? या प्रश्नावर अद्याप उत्तर मिळालं नाही. अल्फा या चित्रपटात ह्रतिक रोशन, आलिया भट्ट, शर्वरी, बॉबी देओल आणि अनिल कपूर प्रमुख भूमिकेत आहेत. हा सिनेमा 2025 साली प्रदर्शित होणार होता. दरम्यान, आता हा चित्रपट 17 एप्रिल 2026 रोजी प्रदर्शित होईल.
महत्त्वाच्या बातम्या
