Akshay Kumar: अक्षय कुमारनं केलं डोळ्याचं ऑपरेशन; बॉलिवूडचा खिलाडी घेणार कामातून ब्रेक; पुढचे 5 सिनेमे पेंडिंग

Akshay Kumar Eye Surgery: त्याचा अलीकडेच प्रदर्शित झालेला ' भूत बंगला ' हा चित्रपट बॉक्स ऑफिसवर यशस्वी ठरत असल्याने अक्षय चर्चेत आहे.

Akshay Kumar Eye Surgery

Source : ABPLIVE AI

Akshay Kumar Eye Surgery: बॉलीवूडचा सुपरस्टार अक्षय कुमार कायम त्याच्या नव्या प्रोजेक्टमुळे चर्चेत असतो. वर्षभरात साधारण तीन ते चार चित्रपट करणारा अक्षयने सध्या काही दिवसांचा ब्रेक घेतलाय. कारण आहे त्याच्या शस्त्रक्रियेचं. अभिनेता अक्षय कुमारने नुकतीच त्याच्या डोळ्याची शस्त्रक्रिया करून घेतली आहे. अनिस बज्मी यांच्या आगामी चित्रपटाचं केरळ मधील शूटिंग पूर्ण केल्यानंतर आता तो आराम करणार असल्याची माहिती समोर येतेय. दरम्यान,  त्याचा अलीकडेच प्रदर्शित झालेला ' भूत बंगला ' हा चित्रपट बॉक्स ऑफिसवर यशस्वी ठरत असल्याने अक्षय चर्चेत आहे.

अक्षय कुमारने केलं डोळ्यांचं ऑपरेशन

2026 हे वर्ष अक्षय कुमारसाठी आत्तापर्यंत बरंच व्यस्त होतं. दिग्दर्शक प्रियदर्शन यांच्या भूत बंगला या हिट चित्रपटानंतर तो दिग्दर्शक अनिस बज्मी यांच्या आगामी चित्रपटाचा शूटिंग करत होता. या जास्त वेळापत्रकातून वेळ काढत अक्षयने डोळ्यांचे शस्त्रक्रिया केली आहे. हिंदुस्तान टाइम्सने दिलेल्या माहितीनुसार, 6 मे रोजी सकाळी त्याची शस्त्रक्रिया पार पडली. ही शस्त्रक्रिया डोळ्यांची दृष्टी सुधारण्यासाठी करण्यात आली होती. केरळ मधील शूटिंग पूर्ण केल्यानंतर तो आता काही दिवस विश्रांती घेणार आहे. मिळालेल्या माहितीनुसार अक्षयला गेल्या काही दिवसांपासून डोळ्याचा थोडा त्रास जाणवत होता. 6 मे रोजी सकाळी मुंबईतील एका खाजगी रुग्णालयात त्याचे शस्त्रक्रिया पार पडली.

5 चित्रपट आहेत लाईनअपमध्ये..

अनिस बजनी यांच्या या आगामी चित्रपटात अक्षय सोबत विद्या बालन आणि राशी खन्ना प्रमुख भूमिकेत दिसणार आहेत. हा चित्रपटही एक कॉमेडी ड्रामा असून त्याचं नाव अद्याप जाहीर झालेलं नाही. विद्या बालन आणि अक्षय कुमार यांनी आधी 'भुलभुलैया' आणि 'मिशन मंगल' यासारख्या हिट चित्रपटांमध्ये एकत्र काम केलं आहे.  अक्षय कुमारचा आगामी प्रोजेक्ट बद्दल बोलायचं झालं तर त्याच्याकडे 'वेलकम टू द जंगल', 'हैवान', 'गोलमाल 5' आणि मराठी चित्रपट 'वेडात मराठे वीर दौडले सात' हे प्रोजेक्ट लाईन अप आहेत. दरम्यान अक्षय कुमारचा अलीकडेच प्रदर्शित झालेला हॉरर कॉमेडी चित्रपट भूत बंगला प्रेक्षकांच्या पसंतीस उतरत आहे. या चित्रपटात परेश रावल,राजपाल यादव, वामिका गब्बी, मिथिला पालकर हे कलाकार महत्त्वाच्या भूमिकेत आहेत.हा चित्रपट लवकरच बॉक्स ऑफिसवर 150 कोटींचा टप्पा पार करेल अशी शक्यता आहे.