Drishyam 2 : अजय देवगणच्या 'दृश्यम 2' वर निर्मात्यांनी दिली बंपर ऑफर; प्रेक्षकांना खास दिवाळी भेट

Drishyam 2 Diwali Offer : देशभरात दिवाळीचा सण सुरु आहे. अशातच 'दृश्यम 2' च्या निर्मात्यांनी चित्रपटाबद्दल प्रेक्षकांसाठी आणखी एक आनंदाची बातमी सांगितली आहे.

Drishyam 2

Drishyam 2 : अजय देवगणच्या (Ajay Devgn) 'दृश्यम' चित्रपटाचा पहिला भाग सुपरहिट झाला होता. अशा परिस्थितीत चित्रपटाच्या दुसऱ्या भागाची म्हणजेच 'दृश्यम-2' (Drishyam 2) ची घोषणा झाल्यापासून हा चित्रपट सतत चर्चेत राहिला आहे. या चित्रपटाचा ट्रेलर नुकताच प्रदर्शित झाला असून, त्यालाही उदंड प्रतिसाद मिळाला आहे. आता या चित्रपटाबाबत प्रेक्षकांसाठी एक आनंदाची बातमी समोर आली आहे.

दृष्यम 2 च्या निर्मात्यांनी दिली बंपर ऑफर

सध्या देशभरात दिवाळी जोरात सुरू आहे. तर दुसरीकडे या चित्रपटाबद्दल लोकांमध्ये विशेष उत्साह आहे. अशा परिस्थितीत, निर्मात्यांनी प्रेक्षकांना एक खास ऑफर दिली आहे, ज्या अंतर्गत त्यांना या 2 दिवसांत 25 टक्के कमी किमतीत चित्रपटाची तिकिटे मिळतील. तरण आदर्शने शेअर केलेल्या ट्विटनुसार, दिवाळीच्या मुहूर्तावर 'दृश्यम 2' च्या तिकिटांवर 25% सवलत उपलब्ध आहे. 24 आणि 25 तारखेला 'दृश्यम'ची तिकिटे बुक करणाऱ्यांना हा चित्रपट मूळ किमतीपेक्षा 25 टक्के कमी दरात मिळू शकेल.

50 टक्के डिस्काउंट ऑफर

DIWALI GIFT FROM ‘DRISHYAM 2’ TEAM: 25% OFF ON TICKETS FOR RELEASE DAY… Team #Drishyam2 announces a special offer on the auspicious occasion of #Diwali… Book tickets on 24 and 25 Oct 2022 and get 25% off on tickets for *release day* ONLY… OFFICIAL ANNOUNCEMENT… pic.twitter.com/M1xS7tlpCr

— taran adarsh (@taran_adarsh) October 24, 2022

दृश्यम 2 च्या निर्मात्यांकडून प्रेक्षकांसाठी ही दुसरी ऑफर आहे. याआधी 2 ऑक्टोबर रोजी या चित्रपटाच्या तिकिटांच्या बुकिंगवर 50 टक्के सूट देण्यात येणार असल्याची घोषणा करण्यात आली होती. फिल्म ट्रेड अॅनालिस्ट तरण आदर्श यांनी ही माहिती दिली. 2 ऑक्टोबरशी संबंधित एक महत्त्वाची गोष्ट चित्रपटात दाखवली जाणार आहे. या चित्रपटाच्या कथेबाबत सोशल मीडियावर सतत चर्चा रंगत असतात.

 दृश्यम 2 च्या माध्यमातून विजय साळगावकरांची केस उघडणार

तब्बल सात वर्षानंतर विजय साळगावकरांची केस पुन्हा उघडणार आहे. या प्रकरणातील सत्य जाणून घेण्यासाठी अक्षय खन्ना या प्रकरणाच्या तळापर्यंत जाणार आहे. या चित्रपटात तब्बू, श्रिया सरन आणि इशिता दत्ता मुख्य भूमिकेत दिसणार आहेत. त्याचबरोबर हा चित्रपट 18 नोव्हेंबरला प्रदर्शित होत आहे.

महत्वाच्या बातम्या :