Aishwarya Health Update : डान्स प्रॅक्टिस करताना ऐश्वर्या बेशुद्ध पडली, शूटिंगही थांबलं, हेल्थ अपडेट आली समोर

Aishwarya Sharma Health Update : कलर्स वाहिनीवर धुळवडीनिमित्ताने विशेष कार्यक्रम प्रसारीत होणार आहे. त्याच्या चित्रीकरणादरम्यान ही ऐश्वर्या बेशुद्ध झाली.

Aishwarya Health Update

Aishwarya Sharma Health Update : चित्रीकरणासाठी डान्स प्रॅक्टिस करत असताना 'बिग बॉस 17' फेम अभिनेत्री ऐश्वर्या शर्मा (Aishwarya Sharma) अचानक कोसळली. या घटनेमुळे चिंतेचे वातावरण होते. आता मात्र, ऐश्वर्याची प्रकृती स्थिर असल्याची माहिती समोर आली आहे. ऐश्वर्या शर्माने ही स्वत: माहिती दिली. कलर्स वाहिनीवर धुळवडीनिमित्ताने विशेष कार्यक्रम प्रसारीत होणार आहे. त्याच्या चित्रीकरणादरम्यान ही ऐश्वर्या बेशुद्ध झाली. 

ऐश्वर्या बेशुद्ध का झाली?

कलर्स वाहिनीच्या धुळवड विशेष कार्यक्रमाच्या दरम्यान रक्तदाब कमी झाल्याने ऐश्वर्या कोसळली असल्याचे सांगितले जात आहे. बेशुद्ध पडल्यानंतर अभिनेत्री ऐश्वर्याला तातडीने तिच्या व्हॅनिटी व्हॅनमध्ये नेण्यात आले. जिथे डॉक्टरांच्या टीमने त्याची तपासणी केली आणि काही तासांच्या विश्रांतीनंतर त्याला बरे वाटले आणि पुन्हा शूटिंग सुरू केले. 16 मार्च रोजी 'सुहागन'च्या सेटवर होळीच्या कार्यक्रमाचे शूटिंग करत असताना ही घटना घडली. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Aishwarya Sharma (@aisharma812)

ऐश्वर्याने दिली हेल्थ अपडेट

ऐश्वर्याने इन्स्टाग्रामवर एक पोस्ट केली आणि आपल्या प्रकृतीबद्दल माहिती दिली. इन्स्टाग्रामवर तिने एक पोस्ट केली. तिने म्हटले की, परफॉर्मन्स दरम्यान जी घटना घडली, त्यावर अनेकांनी चिंता व्यक्त केली आणि चांगल्या प्रकृतीसाठी शुभेच्छा दिल्या आहेत. त्यासाठी मी आभारी आहे. तुमच्या शुभेच्छा यापुढेही कायम मिळतील असे तिने सांगितले. 

होळी विशेष भागाचे सुत्रसंचालन करणार ऐश्वर्या-नील

कलर्स वाहिनीवर होळी विशेष एपिसोड प्रसारीत होणार आहे. या होळी विशेष शोमध्ये बिग बॉस 17 चे सर्व स्पर्धक सहभागी असणार आहेत. सध्या या शो चे चित्रीकरण सुरू असून  आणखी पाच दिवस शूटिंग सुरू असणार असल्याची माहिती आहे. रंगांची उधळण असणाऱ्या या शोचे सूत्रसंचालन ऐश्वर्या शर्मा आणि नील भट करणार आहेत. 

ऐश्वर्या शर्माने 'गुम है किसी के प्यार मे' या मालिकेत पत्रलेखा ही व्यक्तीरेखा साकारली होती. ही एक नकारात्मक भूमिका होती. त्यानंतर ऐश्वर्याने ही मालिका सोडली. त्यानंतर खतरो के खिलाडी या रिएल्टी शोच्या 13 व्या सीझनमध्ये दिसली. यामध्ये ती अंतिम फेरीत पोहचली. त्यानंतर ती 'बिग बॉस 17'मध्ये दिसली.