AIच्या मदतीने साकारलेला मराठी चित्रपट; ‘त्यांची वारी’चा अभिनव प्रयोग; YouTubeवर पाहता येणार
या संपूर्ण प्रक्रियेत आलेले अनुभव, अडचणी आणि काही रंजक किस्से भविष्यात प्रेक्षकांसोबत शेअर केले जाणार आहेत.
AI Marathi Movie: कृत्रिम बुद्धिमत्ता अर्थात AI तंत्रज्ञानाचा वापर करून संपूर्णपणे साकारण्यात आलेला मराठी चित्रपट तयार झाला असून, ‘त्यांची वारी’ या चित्रपटाची सध्या जोरदार चर्चा सुरू झाली आहे. महाराष्ट्रातून मराठीमध्ये करण्यात आलेला हा अभिनव प्रयोग असल्याचा निर्मात्यांचा दावा आहे. चित्रपटाचा ट्रेलरही प्रदर्शित झाला असून, लवकरच हा चित्रपट YouTubeवरील ‘FUKatta (फुकट्टा)’ या चॅनेलवर प्रदर्शित होणार आहे.
AIच्या मदतीने तयार केला संपूर्ण चित्रपट
‘त्यांची वारी’ या चित्रपटाची निर्मिती AI तंत्रज्ञानाच्या सहाय्याने करण्यात आल्याचं निर्मात्यांनी सांगितलं आहे. चित्रपटातील प्रत्येक दृश्य, पात्र, गीत, पार्श्वसंगीत आणि दृश्यात्मक मांडणी AIच्या मदतीने साकारण्यात आली आहे.
संपूर्ण चित्रपटाची निर्मिती AI तंत्रज्ञानाच्या सहाय्याने करण्याचे प्रयोग जगभरात अजूनही अत्यंत दुर्मिळ आहेत. अशा परिस्थितीत महाराष्ट्रातून मराठी भाषेत हा प्रयोग करण्यात आल्याने चित्रपट तंत्रज्ञानाच्या क्षेत्रात याकडे एका वेगळ्या आणि अभिनव प्रयत्नाच्या रूपात पाहिलं जात आहे.
AIची मर्यादा जाणवत असतानाही प्रयोग पूर्ण
चित्रपटाच्या निर्मितीदरम्यान AI तंत्रज्ञानाच्या काही मर्यादांचाही अनुभव आल्याचं निर्मात्यांनी स्पष्ट केलं आहे. AI तंत्रज्ञान अजूनही विकसित होत असून, पारंपरिक चित्रपट निर्मितीच्या दर्जापर्यंत पोहोचण्यासाठी AI आधारित साधनांना आणखी प्रगल्भ होण्याची गरज असल्याचं त्यांचं म्हणणं आहे.
या मर्यादांमुळे चित्रपटातील काही प्रसंग वगळावे लागले, काही संवाद संक्षिप्त करावे लागले, तर काही दृश्यांमध्ये आवश्यक बदल करण्यात आले. या संपूर्ण प्रक्रियेत आलेले अनुभव, अडचणी आणि काही रंजक किस्से भविष्यात प्रेक्षकांसोबत शेअर केले जाणार आहेत.
‘त्यांची वारी’चा ट्रेलर YouTubeवर
दरम्यान, ‘त्यांची वारी’चा ट्रेलर ‘FUKatta (फुकट्टा)’ या YouTube चॅनेलवर उपलब्ध आहे. निर्मात्यांनी प्रेक्षकांना ट्रेलर पाहण्याचं, चॅनेल Subscribe करण्याचं आणि व्हिडीओ Like करण्याचं आवाहन केलं आहे. तसंच, या प्रयोगाबद्दल प्रेक्षकांनी आपली प्रतिक्रिया नक्की द्यावी, असंही सांगण्यात आलं आहे.
चित्रपट कधी प्रदर्शित होणार?
‘त्यांची वारी’ हा चित्रपट लवकरच ‘FUKatta (फुकट्टा)’ या YouTube चॅनेलवर प्रदर्शित होणार आहे. AIच्या मदतीने मराठी चित्रपट निर्मितीचा हा प्रयोग प्रेक्षकांना कितपत आवडतो आणि या नव्या तंत्रज्ञानाच्या वापराबाबत त्यांची प्रतिक्रिया काय असते, हे पाहणं उत्सुकतेचं ठरणार आहे. AI आणि सिनेमा यांचं हे अनोखं मिश्रण मराठी चित्रपटसृष्टीत नव्या प्रयोगांना चालना देणार का, हे येणाऱ्या काळात स्पष्ट होईल.
महत्त्वाच्या बातम्या
