Mardini: श्रेयस तळपदेच्या मराठी सिनेमात बॉलिवूडच्या प्रसिद्ध कलाकाराची एन्ट्री; आदर्श शिंदेनं गाण्यात जीव ओतला, कधी होणार रिलीज?
Mardini Marathi Song: 'मर्दिनी'च्या गीतातून अहमद खान यांचे मराठी चित्रपटसृष्टीत पदार्पण; आदर्श शिंदे यांच्या आवाजातून उमटणार स्त्रीशक्तीचा जयघोष.
Mardini Song Ahmed Khan Choreographer: मराठी सिनेसृष्टीत सध्या 'मर्दिनी (Mardini)' या सिनेमाची प्रचंड चर्चा आहे. सिनेमाचा पोस्टर पाहून, हा चित्रपट पाहण्याची उत्सुकता शिगेला पोहोचली आहे (Marathi Song). नारी सामर्थ्य, मातृत्व, संघर्ष आणि आत्मविश्वासाची कहाणी (Entertainment) मांडणारा हा सिनेमा 3 जुलै 2026 रोजी प्रेक्षकांच्या भेटीला येत आहे. दरम्यान, पोस्टरनंतर या सिनेमाच्या गीतानं सर्वांचेच लक्षे वेधून घेत आहे. विशेष म्हणजे, या गीताला बॉलिवूडचे प्रसिद्ध कोरिओग्राफर अहमद खान यांची पहिली मराठी कोरिओग्राफी लाभली आहे. तर, या सिनेमातील गाण्याला आदर्श शिंदे यांचा बुलंद आवाज लाभला आहे.
'मर्दिनी' सिनेमातून अहमद खान यांचे मराठी सिनेसृष्टीत पदार्पण (Ahmed Khan Choreographed Mardini Song)
या गाण्याबद्दल बोलताना अहमद खान म्हणाले, 'हे गाणं करताना मला खूप आनंद झालाय. श्रेयस माझा लहान भाऊ आहे आणि दीप्तीबद्दल मला खूप प्रेम आणि आपुलकी आहे. या चित्रपटाशी जोडलेल्या सर्व कलाकार, तंत्रज्ञ आणि प्रत्येक व्यक्तीसोबत काम करण्याचा अनुभव अत्यंत खास होता. संपूर्ण टीमसोबत काम करताना एका कुटुंबाचा भाग असल्याची भावना निर्माण झाली', असं कोरिग्राफर म्हणाले.
'मर्दिनी ही एक आईच्या सामर्थ्याची अनुभूती देणारी कथा आहे. या सिनेमात मातृत्वाच्या शक्तीचा आणि स्त्रीच्या जिद्दीचा अत्यंत प्रभावी आविष्कार पाहायला मिळतो. त्यामुळे या गाण्याशी भावनिकरित्या जोडले जाणे सहज शक्य झाले. तसेच मी पहिल्यांदा मराठी चित्रपटासाठी काम केले आहे', असंही अहमद खान म्हणाले. 'सिनेमातील प्रत्येक पात्रासोबत काम करत असताना त्यांच्यात एक वेगळीच प्रकारची उर्जा जाणवली. प्रत्येकानं या सिनेमासाठी मनापासून काम केलं आहे. विशेष म्हणजे या सिनेमाचा भाग असल्याचा मला आनंद आहे', असंही त्यांनी सांगितलं.
अजय मयेकर दिग्दर्शित, श्रेयस तळपदे प्रस्तुत, ॲफ्लुएन्स मोशन पिक्चर्स प्रा. लि. आणि ओ डी आय ग्रुप निर्मित ‘मर्दिनी’ या सिनेमात प्रार्थना बेहेरे, अभिजीत खांडकेकर, जितेंद्र जोशी, राजेश भोसले आणि बालकलाकार मायरा वैकुळ यांच्या महत्त्वाच्या भूमिका आहेत. पोस्टर लाँचपासून या सिनेमाची विशेष चर्चा झाली. हा सिनेमा नेमका कोणत्या विषयावर आधारीत आहे? या सिनेमातून प्रेक्षकांना नेमकं काय पाहायला मिळणार? हे पाहणं आता महत्त्वाचं ठरणार आहे.
महत्त्वाच्या इतर बातम्या:
'जय जय स्वामी समर्थ' मालिकेत नव्या अध्यायाची सुरुवात; स्वामी भक्त अन् प्रेक्षकांची उत्सुकता शिगेला
महत्त्वाच्या बातम्या
