Actor Siddharth Tweet: सायना नेहवालबद्दल ट्वीट करणं सिद्धार्थला भोवलं; नेटकऱ्यांनी केले ट्रोल
Actor Siddharth Tweet : सायना नेहवालबद्दल आक्षेपार्ह शब्दांचा वापर ट्वीटमध्ये केल्याने अभिनेता सिद्धार्थ सोशल मीडियावर ट्रोल होत आहे.
Actor Siddharth Tweet : 'रंग दे बसंती' (Rang De Basanti) या चित्रपटातील अभिनयामुळे अभिनेता सिद्धार्थला (Siddharth) विशेष लोकप्रियता मिळाली. पण सध्या सिद्धार्थ त्याच्या चित्रपटांमधील अभिनयामुळे नाही तर वेगळ्याच कारणामुळे चर्चेत आहे. सिद्धार्थने नुकतेच बॅडमिंटपटू सायना नेहवालबद्दल (saina nehwal) ट्वीट केले. या ट्वीटमुळे आता सिद्धार्थ वादाच्या भोवऱ्यात अडकला आहे.
काय आहे प्रकरण
पंजाबमधील पंतप्रधान नरेंद्र मोदी यांच्या सुरक्षाभंग प्रकरणाबद्दल सायना नेहवालने ट्वीट केले होते. सायनाच्या ट्वीटवर भाष्य करत सिद्धार्थने त्याचे मत मांडले. सिद्धार्थने या ट्वीटमध्ये आक्षेपार्ह शब्दांचा वापर केला आहे. त्यामुळे सध्या त्याला अनेक जण ट्रोल करत आहेत. सिद्धार्थने त्याच्या ट्वीटमध्ये 'शेम ऑन यू रिहाना' असंही लिहिले होते. सिद्धार्थने ट्वीटमध्ये वापरलेल्या शब्दाचा निषेध करत महिला आयोगाने त्याला नोटीस पाठवली आहे.
तसेच राष्ट्रीय महिला आयोगाने मुंबई पोलीस आणि ट्विटरकडे सिद्धार्थच्या या ट्वीटवर कारवाई करण्याची मागणी केली आहे. महिला आयोगाच्या चेअरपर्सन रेखा शर्मा यांनी ट्वीट शेअर करून सांगितले आहे की महिला आयोग यावर अॅक्शन घेत आहे. रंग दे बसंती या चित्रपटातील सिद्धार्थच्या अभिनयाला प्रेक्षकांची पसंती मिळाली होती. सिद्धार्थ सोशल मीडियावर बराच अॅक्टिव्ह असतो. सध्या सिद्धार्थ सोशल मीडियावर वेगवेगळ्या विषयांवरील त्याची मत नेहमी मांडतो. त्याच्या सोशल मीडियावरील पोस्टमुळे तो अनेकदा चर्चेत असतो. बॉलिवूड बरोबरच सिद्धार्थने दाक्षिणात्य चित्रपटांमध्ये देखील काम केले आहे. स्ट्रायकर,बॉम्मारिल्लु, ओय!, बॉइज या चित्रपटांमध्ये सिद्धार्थने काम केले आहे.
संबंधित बातम्या
Tejas Barve and Amruta Dhongade : ‘मिसेस मुख्यमंत्री’ ची जोडी मोठ्या पडद्यावर करणार ‘दिशाभूल’
महत्त्वाच्या बातम्या
