Actor Sanjeeb Singh Dies Of Heart Attack: 13 तासांचं वर्किंग शेड्यूल, शुटिंगवेळीच अस्वस्थ वाटू लागलं अन्...; प्रसिद्ध अभिनेत्याचं हृदयविकाराच्या झटक्यानं निधन

Actor Sanjeeb Singh Dies Of Heart Attack: संजीव यांच्या आकस्मिक निधनामुळे मनोरंजन क्षेत्रातील कलाकारांच्या आणि कर्मचाऱ्यांच्या कामाच्या अतिशय कठीण वेळापत्रकांकडे आणि आरोग्याच्या समस्यांकडे पुन्हा एकदा सर्वांचं लक्ष वेधलं गेलंय.

Actor Sanjeeb Singh Dies Of Heart Attack

Source : ABP Majha

Actor Sanjeeb Singh Dies Of Heart Attack: मनोरंजन विश्वातील (Film Industry) आणखी एक तारा निखळला असून अख्ख्या इंडस्ट्रीवर शोककळा पसरली आहे. 51 वर्षीय अभिनेते संजीव सिंह (Actor Sanjeeb Singh) यांनी अखेरचा श्वास घेतला. हृदयविकाराच्या तीव्र झटक्यामुळे (Heart Attack) त्यांचं निधन झाल्याचं समोर आलंय. संजीव यांच्या आकस्मिक निधनामुळे मनोरंजन क्षेत्रातील कलाकारांच्या आणि कर्मचाऱ्यांच्या कामाच्या अतिशय कठीण वेळापत्रकांकडे आणि आरोग्याच्या समस्यांकडे पुन्हा एकदा सर्वांचं लक्ष वेधलं गेलंय.

'न्यूज 9' (News9) च्या वृत्तानुसार, संजीव सिंह (Sanjeeb Singh) मुंबईतील (Mumbai News) साकीनाका इथल्या एसजे (SJ) स्टुडिओमध्ये 'आरंभी' (Aarambhi) या टेलिव्हिजन शोच्या शुटिंगमध्ये बिझी होते. त्याचवेळी त्यांना हृदयविकाराचा तीव्र झटका आला. 'फेडरेशन ऑफ वेस्टर्न इंडिया सिने एम्प्लॉइज'चे (FWICE) सरचिटणीस अशोक दुबे यांनी सांगितलं की, संजीव यांची शिफ्ट दुपारी 2 वाजता सुरू झालेली आणि ती पहाटे 3 वाजेपर्यंत चालली.

शुटिंगवेळी बिघडली तब्ब्येत (Actor Sanjeeb Singh Death)

(FWICE)चे सरचिटणीस अशोक दुबे यांनी सांगितलं की, शुटिंगदरम्यान अभिनेते संजीव यांना अस्वस्थ वाटू लागलं आणि काम पुन्हा सुरू करण्यापूर्वी त्यांनी विश्रांतीसाठी काही छोटे ब्रेक घेतले. शुटिंग संपल्यानंतर ते स्वतःच्या मोटारसायकलवरून घरी निघाले. वाटेत पेट्रोल भरण्यासाठी ते एका पेट्रोल पंपावर थांबले, तिथेच अचानक कोसळले. तिथेच त्यांना हॉर्ट अटॅक आल्याचं सांगितलं जातंय. 

कुटुंबासाठी आर्थिक मदतीचं आवाहन (Actor Sanjeeb Singh Family)

अभिनेते संजीव यांच्या कुटुंबात त्याची बहीण आणि भाऊ यांचा समावेश आहे, जे कोलकाता इथे राहतात. दुबे यांच्या माहितीनुसार, त्यांची बहीण घटस्फोटित आहे, तर त्यांचा भाऊ गंभीर आजारी आहे. या घटनेनंतर कूपर रुग्णालयात अभिनेते संजीव यांच्या पार्थिवावर शवविच्छेदन करण्यात आलं. 'एफडब्ल्यूआयसीई'नं (FWICE) शोकाकुल कुटुंबाला आर्थिक मदत दिली आहे आणि अंत्यसंस्कारासाठी अभिनेत्याचं पार्थिव एअर कार्गोनं कोलकाताला नेण्याची व्यवस्था केली जातेय.

अभिनेते संजीव यांच्या निधनामुळे टेलिव्हिजन आणि सिनेसृष्टीत काम करणाऱ्यांच्या कामाच्या दीर्घ आणि शारीरिकदृष्ट्या थकवणाऱ्या तासांबाबत पुन्हा एकदा चर्चा सुरू झाली आहे. दुबे यांनी सांगितलं की, 'एफडब्ल्यूआयसीई'नं सोनी आणि 'डॉक्टर्स फॉर यू' (Doctors For You) या स्वयंसेवी संस्थेच्या सहकार्यानं गेल्या सहा आठवड्यांपासून शुटिंगच्या ठिकाणी आरोग्य तपासणी शिबिरं आयोजित केली आहेत. या उपक्रमांतर्गत, सेटवरच्या सर्वांचं ब्लड प्रेशर तपासणं, आवश्यक औषधं देणं आणि वैद्यकीय सल्ला देणं यासाठी शुटिंगच्या ठिकाणी रुग्णवाहिका तैनात करण्यात आल्या आहेत. नियमित आरोग्य तपासणी सुविधांची उपलब्धता वाढवून हा कार्यक्रम अधिक व्यापक करण्याची फेडरेशनची योजना आहे.

महत्त्वाच्या इतर बातम्या :