'राजा शिवाजी' रिलीज होताच रितेश देशमुखची एक रिक्वेस्ट, VIDEO शेअर करत प्रेक्षकांना कळकळीचं आवाहन
Riteish Deshmukh Requests Fans: 'राजा शिवाजी' सिनेमाविषयी रितेश देशमुखची प्रेक्षकांकडे महत्त्वाची विनंती.
Riteish Deshmukh Requests Fans Not To Share Raja Shivaji Movie Clips: रितेश देशमुखचा (Riteish Deshmukh) ऐतिहासिक 'राजा शिवाजी' (Raja Shivaji) या सिनेमाने केवळ महाराष्ट्राला नाही तर संपूर्ण देशाला वेड लावलं. हा सिनेमा 1 मे रोजी रिलीज झाला. महाराष्ट्र दिनानिमित्त रिलीज झाल्यानंतर या सिनेमाला प्रेक्षकांकडून उत्स्फूर्त प्रतिसाद मिळाला. पहिल्याच दिवशी बॉक्स ऑफिसवर या सिनेमाने उत्कृष्ट कामगिरी केली. सलमान खान या ऐतिहासिक सिनेमाचा भाग असणार की नाही? सलमान नेमकी कोणती भूमिका साकारत आहे? असे अनेक प्रश्न अनुत्तरित होते. मात्र, सोशल मीडियावरील व्हायरल क्लिप्समुळे चित्रपटाच्या संबंधित अनेक गोष्टी उघड झाल्या. थिएटरमध्ये जाऊन प्रेक्षक शूट करुन चित्रपटाचे छोटे - छोटे क्लिप्स शेअर करत आहेत. चित्रपटातील महत्त्वाचे सीन्स सोशल मीडियावर व्हायरल होत आहेत. अशातच या संबंधित रितेश देशमुखने एक व्हिडीओ तयार केला, तसेच सोशल मीडियात शेअर केला. अभिनेत्याने व्हिडीओतून प्रेक्षकांना विनंती केली आहे.
रितेश देशमुखची प्रेक्षकांना रिक्वेस्ट (Riteish Deshmukh appeals to fans)
'राजा शिवाजी' हा सिनेमा पाहून आल्यानंतर काही प्रेक्षक सिनेमातील खास सीन्स सोशल मीडियात शेअर करतात. यामुळे सिनेमाच्या संबंधित अनेक महत्त्वाच्या सीन्सचा खुलासा होतो. याविषयी रितेश देशमुख म्हणाला, 'नमस्कार. आपले आराध्य दैवत छत्रपती शिवाजी महाराज यांच्या शौर्य गाथेवर आम्ही सिनेमा काढला. 'राजा शिवाजी' हा सिनेमा तुम्ही स्वत:चा समजून पाहिलात, एवढा उत्स्फूर्त प्रतिसाद तुम्ही देत आहात, याबद्दल मी आणि 'राजा शिवाजी' या सिनेमाची संपूर्ण टीम तुम्हा सर्वांची ऋणी आहे. फक्त एकच रिक्वेस्ट आहे. तुमच्या भावना मला समजत आहे. तुम्ही Excited होऊन सिनेमातील तुम्हाला आवडणारे सीन्स थिएटरमध्ये शूट करुन सोशल मीडियात शेअर करत आहात. फक्त एकच रिक्वेस्ट करतो की, कृपया व्हिडीओ पोस्ट करु नका'.
रितेश देशमुखच्या पोस्टवर नेटकऱ्यांचं समर्थन (Raja Shivaji movie viral clips social media)
'कारण इतर लोक जे सिनेमा पाहायला येणार आहेत, सिनेमात काही सरप्राईज आहेत, त्यांनाही चित्रपटाचा आनंद घेऊ द्या. असाच तुमचा या सिनेमाला प्रतिसाद मिळत राहुदे. धन्यवाद. जय शिवराय', असं रितेश देशमुखने आपल्या व्हिडीओ मध्ये म्हटलं आहे. सध्या त्याची पोस्ट व्हायरल होत असून, नेटकऱ्यांनीही त्याच्या म्हणण्याला समर्थन दर्शवलं आहे.
'राजा शिवाजी' या ऐतिहासिक सिनेमाने पहिल्याच दिवशी थिएटरमध्ये सिंह गर्जना केली. रिलीजच्या पहिल्याच दिवशी या सिनेमाने 11.35 कोटींची कमाई केली. मिळालेल्या माहितीनुसार, पहिल्याच दिवशी मराठी व्हर्जनमधून या सिनेमाचं 8 कोटीचं नेट कलेक्शन झालं आहे. विकेंडमध्ये हा सिनेमा अजून कमाई करेल, यात शंका नाही.
महत्त्वाच्या इतर बातम्या:
महत्त्वाच्या बातम्या
