इराण-अमेरिका युद्धाबाबत नवाजुद्दीन सिद्दीकी रोखठोक बोलला, म्हणाला, 'सगळ्यांना माहितीये चूक कोणाची फक्त कोणीही बोलायची हिंमत दाखवत नाही'
Nawazuddin Siddiqui Reacts To War-Themed Cinema: नवाजुद्दीन सिद्दीकीनं दिलेल्या मुलाखतीत नॅरेटिव्ह बेस्ड चित्रपटांना फेक असं म्हटलं आहे.
Nawazuddin Siddiqui: इस्त्रायल - अमेरिका आणि इराणच्या युद्धामुळे सध्या जागतिक परिस्थिती अधिकच चिघळत चालली आहे. या युद्धाचा आज 16 वा दिवस. या युद्धामुळे अनेक देशांचं प्रचंड नुकसान होतोय. इंधन टंचाईच्या मोठ्या संकटात अख्खं जग सापडलं आहे. युद्धाच्या सुरुवातीलाच इराणचे सर्वोच्च नेते अयातुल्ला अली खामेनी यांचा मृत्यू झाला. काही कलाकारांनी यावर आपली प्रतिक्रिया दिली. आजकाल नॅरेटिव्ह बेस्ड चित्रपट तयार होत आहे. विशिष्ट अजेंडा पेरणारे चित्रपटांवर अभिनेता नवाजुद्दीन सिद्दीकीनं प्रतिक्रिया दिली आहे. 'खरं तर, आजच्या तारखेला जे काही चित्रपट तयार होतायेत, यामागची सत्यता सगळ्यांना माहित आहे. फेक चित्रपट तयार होत आहे', अशी थेट प्रतिक्रिया अभिनेत्यानं दिली.
एनडीटीव्हीला दिलेल्या मुलाखतीत नवाजुद्दीन सिद्दीकीला जगात सुरु असलेल्या युद्धजन्य परिस्थितीबाबत प्रश्न विचारण्यात आला. पत्रकाराने, 'असे विषय जेव्हा चित्रपटाद्वारे प्रेक्षकांसमोर मांडण्यात येतात, तेव्हा समाजाला दिशा आणि सत्य दाखवण्याचं काम फिल्ममेकर्सचं आहे का?', असा प्रश्न अभिनेत्याला विचारला. यावर नवाजुद्दीन सिद्दीकीनं प्रतिक्रिया दिली, 'समजाला चुकीच्या दिशेनं घेऊन जाण्याची गरज नाही. आजच्या काळात सत्य नेमकं आहे काय आहे? हे सगळ्यांना ठाऊक आहे', अशी रोखठोक प्रतिक्रिया अभिनेत्यानं दिली.
View this post on Instagram
'आजच्या काळात ज्या पद्धतीचे सिनेमे तयार होत आहे. चित्रपटामागची कहाणी आणि सत्य काय आहे, हे सर्वांना ठाऊक आहे. पण कुणी पुढे येऊन बोलायला तयार नाही', असं नवाजुद्दीन म्हणाला. विशिष्ट अजेंडा पेरणारे चित्रपट तयार होत आहेत का? या प्रश्नावर अभिनेता म्हणाला, 'नाही. आपल्याकडे फेक चित्रपट तयार होत आहे. हे प्रेक्षकांना ठाऊक आहे. सध्या जगात नेमकं काय सुरू आहे, हे देखील सर्वांना ठाऊक आहे. खरं काय आहे, हे लोकांना माहित आहे. कुणीही या विषयावर बोलले नाही तरी, देखील सत्य सर्वांना ठाऊक आहे. नेमकं काय पसरवलं जात आहे, सत्य सर्वांना ठाऊक आहे', असं नवाजुद्दीन सिद्दीकीनं स्पष्ट केलं. नेटकऱ्यांनी देखील मुलाखतीच्या व्हिडिओच्या कमेंट सेक्शनमध्ये पाठिंबा दिला आहे.
महत्त्वाच्या इतर बातम्या:
अफगाणिस्तानी इन्फ्लुएंसरची भारतात चर्चा, बोल्ड बिकिनी लूकनं वेधलं लक्ष; PHOTOsनं इंटरनेटवर लावली आग
महत्त्वाच्या बातम्या
