West Bengal : सुरक्षा रक्षकांनी मला लाथ मारली, धक्का दिला, CCTV बंद केले; ममता बॅनर्जींचा मोठा आरोप
West Bengal Election : पश्चिम बंगाल विधानसभा निवडणूक 2026 मध्ये भाजपचा प्रचंड विजय, तर ममता बॅनर्जी यांनी CAPF वर मारहाणीचा आरोप करत निवडणुकीवर प्रश्नचिन्ह उपस्थित केले.
West Bengal Election Result : पश्चिम बंगाल विधानसभा निवडणूक 2026 मध्ये ममता बॅनर्जी (Mamata Banerjee) यांच्या तृणमूल काँग्रेसचा मोठा पराभव करत भाजपने (Bharatiya Janata Party) प्रचंड विजय मिळवला आहे. या निकालानंतर राज्यात राजकीय वातावरण तापले असून ममता बॅनर्जी यांनी केंद्रीय सुरक्षा दलांवर गंभीर आरोप केले आहेत. ममता बॅनर्जी यांनी सोमवारी माध्यमांशी बोलताना केंद्रीय सशस्त्र पोलीस दल असलेल्या CAPF आणि CRPF वर थेट मारहाणीचा आरोप केला. आपल्याला ढकलण्यात आलं, मारहाण करण्यात आली आणि उमेदवार असूनही मला मतदान केंद्रात जाऊ दिलं नाही, असा आरोप ममता बॅनर्जी यांनी केला.
ममता बॅनर्जी लढत असलेल्या भवानीपूरमधील मतमोजणी प्रक्रियेवरही प्रश्न उपस्थित केला. त्या म्हणाल्या की, "सुरक्षा दलाच्या जवानांनी आपल्याला लाथ मारली, धक्का दिला. त्या ठिकाणचे सीसीटीव्ही बंद करण्यात आले. आपण उमेदवार असूनही मतमोजणीच्या ठिकाणी जाऊ दिलं नाही. आमच्या पोलिंग एजंटलाही आतमध्ये सोडलं नाही. याची तक्रार केल्यानंतरही काहीच कारवाई करण्यात आली नाही."
भाजपने 100 हून अधिक जागा लुटल्या. निवडणूक आयोग निष्पक्ष नाही, हा नैतिक विजय नाही, अशी टीका ममता बॅनर्जी यांनी केली. त्यांनी पंतप्रधान आणि केंद्रीय गृहमंत्र्यांवरही अप्रत्यक्ष निशाणा साधत निवडणूक प्रक्रियेत गैरप्रकार झाल्याचा आरोप केला.
#WATCH | West Bengal CM & TMC chairperson Mamata Banerjee says, "From 3 pm onwards, they have been beating us. I was hit. CCTV was switched off. None of our agents was allowed inside (the counting centre). The DO assured me our agents would be allowed, but after that, he was not… pic.twitter.com/vzZQvjqLOV
— ANI (@ANI) May 4, 2026
West Bengal Election Result : भाजपचा मोठा विजय
पश्चिम बंगालमधील तृणमूल काँग्रेसची 15 वर्षांची सत्ता मोडीत काढून भाजपने मोठा विजय मिळवला आहे. भाजपने 204 जागांवर आघाडी घेतली आहे तर तृणमूल काँग्रेसला 83 जागांवर समाधान मानावं लागलं आहे. ममता बॅनर्जी यांच्यासाठी हा मोठा धक्का मानला जात आहे.
West Bengal Political Controversy : निवडणुकीनंतर आरोप-प्रत्यारोप
निकालानंतर कोलकाता येथील कालीघाट भागात ममता बॅनर्जी यांच्या निवासस्थानाजवळ काही लोकांनी घोषणाबाजी केल्याची घटना घडली. यानंतर निवडणूक आयोगाच्या सूचनेनुसार त्या परिसरात सुरक्षा वाढवण्यात आली आहे. अधिकाऱ्यांनी सांगितले की, कायदा आणि सुव्यवस्था बिघडू नये यासाठी केंद्रीय दलांची अतिरिक्त तैनाती करण्यात आली आहे. कोणत्याही प्रकारचा गोंधळ किंवा हिंसाचार सहन केला जाणार नाही, असा इशाराही प्रशासनाकडून देण्यात आला आहे.
West Bengal Election Result Impact : भाजपचा विजय, टीएमसीला मोठा धक्का
या निवडणुकीत भाजपने मोठ्या फरकाने विजय मिळवत तृणमूल काँग्रेसला सत्तेबाहेर केले आहे. हा निकाल केवळ राजकीय बदल नसून पश्चिम बंगालच्या राजकारणात मोठा टर्निंग पॉईंट मानला जात आहे.
ही बातमी वाचा:
महत्त्वाच्या बातम्या
