नवी मुंबईत मतदारांना पैसे वाटप करणाऱ्या दोन कार्यकर्त्यांना अटक

या दोघांची झडती घेतली असता त्यांच्यकडे 11 हजार 900 रुपये रोख रक्कम, हाताने लिहिलेली मतदार यादी, राष्ट्रवादी काँग्रेसचे उमेदवार पार्थ पवार यांचे निवडणूक चिन्ह ,फोटो व नावे असलेली यादी सापडली आहे.

प्रातिनिधिक फोटो

नवी मुंबई : लोकसभा निवडणुकीच्या चौथ्या टप्प्याचा प्रचार आज संपला आहे. प्रचार संपल्यानंतर मतदानाच्या आधी विविध मार्गांनी मतदारापर्यंत पोहोचण्याचा प्रयत्न उमेदवारांचा आणि त्यांच्या कार्यकर्त्यांचा असतो. पैसेदेखील मतदारांना वाटण्याचा प्रयत्न होत असतो. असेच पैसे वाटप करताना कामोठे येथे दोघा कार्यकर्त्यांविरुद्ध सहायक निवडणूक निर्णय अधिकारी, पनवेल यांनी कामोठे पोलीस ठाण्यात गुन्हा दाखल केला आहे. भरारी पथकातील प्रभाग अधिकारी व पथक प्रमुख प्रकाश गायकवाड यांनी यासंदर्भात फिर्याद दिली होती.

संदीप रामकृष्ण पराडकर आणि वैभव विठोबा पाटील अशी अटक करण्यात आलेल्या व्यक्तींची नावे आहेत. या दोघांची झडती घेतली असता त्यांच्यकडे 11 हजार 900 रुपये रोख रक्कम, हाताने लिहिलेली मतदार यादी, राष्ट्रवादी काँग्रेसचे उमेदवार पार्थ पवार यांचे निवडणूक चिन्ह ,फोटो व नावे असलेली यादी सापडली आहे.

चरणदीपसिंग, बलदेव सिंग, विकास नारायण घरात (नगरसेवक पनवेल मनपा) , महेंद्र जगन्नाथ भोपी , विजय त्रिंबक चिपळकर यांनी या दोघांना पोलिसांच्या ताब्यात दिले आहे. कामोठे पोलिसांनी मतदारांना पैशाचे आमिष दाखवणे, या कारणासाठी भा.द.वि. कलम 171 (इ) प्रमाणे गुन्हा दाखल केला आहे.

VIDEO | अनोखा प्रचार, नाशकातून आईस्क्रीम विक्रेता आणि लॉन्ड्री व्यावसायिक लोकसभेच्या रिंगणात