एक्स्प्लोर
Advertisement
![ABP Premium](https://cdn.abplive.com/imagebank/Premium-ad-Icon.png)
प्रियांका गांधी नरेंद्र मोदींविरोधात वाराणसीतून लोकसभा निवडणूक लढणार?
पंतप्रधान नरेंद्र मोदी यांच्या उत्तर प्रदेशमधील वाराणसी या मतदार संघात काँग्रेसने अद्याप उमेदवार दिलेला नाही. या मतदार संघातून प्रियांका गांधी निवडणूक लढतील, अशी चर्चा राजकीय वर्तुळात सुरु आहे.
![प्रियांका गांधी नरेंद्र मोदींविरोधात वाराणसीतून लोकसभा निवडणूक लढणार? Priyanka gandhi can contest Loksabha election from Varanasi against Narendra Modi प्रियांका गांधी नरेंद्र मोदींविरोधात वाराणसीतून लोकसभा निवडणूक लढणार?](https://static.abplive.com/wp-content/uploads/sites/4/2019/01/23150930/Priyanka-Gandhi-5.jpg?impolicy=abp_cdn&imwidth=1200&height=675)
प्रियांका गांधी कोणत्याही पदाशिवाय पडद्यामागे काँग्रेससाठी काम करत होत्या. निवडणुकीत काँग्रेसच्या प्रचारात महत्त्वाची भूमिका बजावत होत्या. तसंच महत्त्वाच्या रणनीतीही आखत होत्या.
लखनौ : पंतप्रधान नरेंद्र मोदी यांच्या उत्तर प्रदेशमधील वाराणसी या मतदार संघात महाआघाडीने अद्याप उमेदवार दिलेला नाही. काँग्रेसच्या नवनियुक्त सरचिटणीस प्रियांका गांधी या पूर्व उत्तर प्रदेशच्या प्रभारी असून त्या सध्या या भागात काँग्रेसचा जोरदार प्रचार करत आहेत. त्यामुळे उत्तर प्रदेश काँग्रेसमध्ये प्रियांका गांधी या वाराणसीत नरेंद्र मोदींविरोधात योग्य उमेदवार असल्याची चर्चा रंगू लागली आहे.
मोदींना टक्कर देण्यासाठी काँग्रेसकडून एका तगड्या उमेदवाराचा शोध सुरु आहे. वाराणसी हा मतदार संघ पूर्व उत्तर प्रदेशमध्ये येतो. दरम्यान, प्रियांका यांनी पूर्वांचल भागात 'गंगा यात्रा' काढून प्रचाराची सुरुवात केली होती. या यात्रेला लोकांनी उत्स्फूर्त प्रतिसादही दिला होता. तसेच मोदींच्या मतदार संघातही प्रियांका यांनी सभा घेऊन काँग्रेसची ताकद दाखवून दिली होती. त्यामुळे वाराणसीतून प्रियांका गांधी यांनी लोकसभेची निवडणूक लढवावी अशी मागणी काँग्रेसमध्ये जोर धरत आहे.
काही दिवसांपूर्वी प्रियांका गांधी यांनी वाराणसीतीत काँग्रेस कार्यकर्त्यांची बैठक बोलावली होती. या बैठकीत त्यांनी "मी वाराणसीतून निवडणूक लढवू का?" असा प्रश्न कार्यकर्त्यांना विचारला, त्यावेळी सर्व कार्यकर्त्यांनी एका सुरात होकार दिला होता.
महाआघाडीत झालेल्या जागा वाटपानुसार वाराणसीची जागा समाजवादी पक्षाला देण्यात आली असून अद्याप उमेदवार जाहीर झालेला नाही. परंतु या मतदार संघातून काँग्रेसने उमेदवार उभा करावा अशी मागणी पक्षातीतल नेत्यांनी केली आहे.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
महाराष्ट्र
विश्व
महाराष्ट्र
महाराष्ट्र
Advertisement
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)
उमेश अलोणे, एबीपी माझाअकोला जिल्हा प्रतिनिधी
Opinion