फनी वादळाची माहिती घेण्यासाठी पंतप्रधानांचा फोन, ममता बॅनर्जींनी बोलणं टाळलं

फनी वादळासंदर्भात माहिती घेण्यासाठी पंतप्रधान नरेंद्र मोदी यांनी ममता बॅनर्जींशी संपर्क साधण्याचा प्रयत्न केला होता परंतू त्यांनी मोदींशी बोलणं टाळल्याची माहिती पंतप्रधान कार्यालयातील सूत्रांनी दिली आहे.

नवी दिल्ली : फनी वादळासंदर्भात माहिती घेण्यासाठी पंतप्रधान नरेंद्र मोदी यांनी ममता बॅनर्जींशी संपर्क साधण्याचा प्रयत्न केला होता परंतू त्यांनी मोदींशी बोलणं टाळल्याची माहिती पंतप्रधान कार्यालयातील सूत्रांनी दिली आहे. एएनआयने वृत्तसंस्थेने या संदर्भातील माहिती दिली आहे.

PMO Sources: Two attempts were made on Saturday morning,from the PM's staff, to connect PM to the WB CM on phone.The first time, they were told that the CM is on tour&call will be returned. On the second occasion too,it was told by the CM's office, that the call will be returned.

— ANI (@ANI) May 5, 2019

ओदिशानंतर फनी चक्रीवादळाचा फटका बसलेल्या पश्चिम बंगालमधील परिस्थितीबाबत विचारणा करण्यासाठी पंतप्रधान कार्यालयाकडून ममता बॅनर्जी यांच्याशी दोन वेळा संपर्क साधण्याचा प्रयत्न करण्यात आला होता. मात्र त्यांच्या कार्यालयाकडून 'मुख्यमंत्री दौऱ्यावर असून त्या परतल्यावर फोन करण्यात येईल', असं सांगण्यात आलं. शुक्रवारी(ता. 3 मे) सकाळी फनी चक्रीवादळ ओदिशाच्या किनाऱ्यावर धडकले होते. त्यानंतर या वादळाचा प्रवास पश्चिम बंगालच्या दिशेने सुरु झालेला होता. त्यामुळे ममता बॅनर्जी यांनी आपला निवडणूक दौरा रद्द केल्याचेही वृत्त आले होते.  ममता बॅनर्जी यांनी मोदींशी बोलण्याचं टाळलं असा अंदाज सध्या लावला जात आहे.