Shrirampur Assembly Constituency : श्रीरामपूर जागेवर काँग्रेसचा मोठा विजय! हेमंत ओगले यांनी राष्ट्रवादीचे कानडे लहूनाथ यांना चारली पराभवाची धूळ
Hemant Ogale Win Shrirampur Assembly Constituency 2024 : श्रीरामपूर हा नगर जिल्ह्याच्या राजकारणातला महत्वाचा मतदार संघ मानला जातो.
Maharashtra Assembly Election 2024 :महाराष्ट्र विधानसभा निवडणुकीतील श्रीरामपूर हा नगर जिल्ह्याच्या राजकारणातला महत्वाचा मतदार संघ मानला जातो. आता श्रीरामपूर मतदारसंघाचे निवडणूक निकाल आले आहेत. सुरुवातीच्या ट्रेंडमध्ये शिवसेनेचे उमेदवार भाऊसाहेब मल्हारी आघाडीवर होते. मात्र दुपारपर्यंत या जागेचे चित्र बदलू लागले आणि काँग्रेसचे हेमंत ओगले यांनी भाऊसाहेबांचा पराभव केला.
निवडणूक आयोगाच्या आकडेवारीनुसार, काँग्रेस पक्षाचे हेमंत ओगले यांना एकूण 66099 मते मिळाली आहेत. त्यांनी शिवसेनेचे उमेदवार भाऊसाहेब मल्हारी यांचा 13373 मतांनी पराभव केला. भाऊसाहेब मल्हारी यांना एकूण 52726 मते मिळाली. या जागेवर राष्ट्रवादीचे कानडे लहूनाथ हे रिंगणात होते. त्यांना एकूण 42571 मते मिळाली आहेत.
कानडे लहूनाथ 2019 मध्ये काँग्रेसच्या तिकिटावर विजयी
2019 च्या विधानसभेत काँग्रेसचे कानडे लहू नाथ यांनी 18,994 मतांच्या फरकाने ही जागा जिंकली होती. त्यांना 50.87% मतांसह 93,906 मते मिळाली. त्यांनी भाऊसाहेब मल्हारी कांबळे यांचा पराभव केला होता, त्यांना 74,912 मते (40.58%) मिळाली होती.
2014 मध्ये कोण जिंकले?
2014 च्या विधानसभा निवडणुकीत भाऊसाहेब मल्हारी कांबळे यांनी या जागेवर विजय मिळवला होता. 2014 च्या विधानसभा निवडणुकीत भाऊसाहेब मल्हारी कांबळे यांना 31.31% मतांसह 57,118 मते मिळाली. तर भाजपचे उमेदवार वाकचौरे भाऊसाहेब राजाराम यांना 45,634 मते मिळाली. भाऊसाहेब मल्हारी कांबळे यांनी वाकचौरे भाऊसाहेब राजाराम यांचा 11 हजार 484 मतांनी पराभव केला.
महत्त्वाच्या बातम्या
