पार्थ यांना वि'जय' मिळवून देण्यासाठी सख्खा भाऊ मैदानात, सोशल मीडियाची जबाबदारी

आजोबा शरद पवार यांनी पार्थच्या प्रचाराचा नारळ फोडला, वडील अजित पवारांकडून बैठकांचं सत्रच सुरु आहे.

पिंपरी चिंचवड : राष्ट्रवादी काँग्रेसने पार्थ पवार यांना निवडणुकीच्या रिंगणात उतरवल्यापासून पवार कुटुंबीय मावळ लोकसभेतच वावरताना दिसत आहेत. आजोबा, वडील, आई आणि चुलत भाऊ हे मतदारांशी थेट संवाद साधत आहेत. पण सोशल मीडियात गुंतलेल्या तरुणांपर्यंत पोहोचण्यासाठी आता सख्खा भाऊ 'जय' देखील प्रचाराची खिंड लढवणार आहेत. मोठे बंधू पार्थ यांना वि'जय' मिळवून देण्यासाठी त्यांच्यावर सोशल मीडियाची जबाबदारी जय पवार यांच्यावर सोपवण्यात आली आहे. आजोबा शरद पवार यांनी पार्थच्या प्रचाराचा नारळ फोडला, वडील अजित पवारांकडून बैठकांचं सत्रच सुरु आहे. आई सुनेत्रा पवार या देखील छोटेखानी सभा-बैठका पार पाडत आहेत तर गेल्या दोन दिवसंपासून चुलत बंधू रोहित पवारही काकांच्या सूचनेनंतर प्रचारात सक्रिय झाले आहे. आता ही मंडळी जाहीर सभा, बैठका घेऊन मतदारांपर्यंत पोहोचतील. पण जी मंडळी खासकरुन तरुणवर्ग जो सभा आणि बैठकांपासून कोसो दूर राहून सोशल मीडियात गुंतलेला आहे, त्यांच्यापर्यंत पोहचण्यासाठी आता 'जय अजित पवार' खिंड लढवणार आहेत. सध्या ते सोशल मीडियावरील प्रचाराची रणनीती आखत आहेत. लवकरच ते प्रचारात सक्रिय झालेले पाहायला मिळतील. पार्थ पवार यांच्या रुपाने पवार घराण्याची तिसरी पीढी राजकारणात येत आहे. शरद पवार यांनी पार्थ पवारांच्या उमेदवारीसाठी माढ्यातून माघार घेतल्याचं सांगितलं. यानंतर पार्थ पवारांना मावळ मतदारसंघातून उमेदवारी देण्यात आली. VIDEO | पार्थ पवारांना ट्राफिकचा फटका, गाडी सोडून पळापळ संबंधित बातम्या कामातून जनतेला कायमस्वरुपी आपलंसं करुन दाखवलं पाहिजे, पार्थ पवारांचं ट्रोलर्सना उत्तर

आपल्याला आजोबांना पंतप्रधान करायचं आहे : पार्थ पवार

पार्थ पवारांचं आत्ताच 'असं' मग खासदार झालेच तर 'कसं'?

पार्थ पवार-श्रीरंग बारणे, दोन प्रतिस्पर्ध्यांचं एकाच वेळी एकाच मंदिरात साकडं

'पार्थ पवार लंबी रेस का घोडा है... याद रखना', नितेश राणेंकडून पाठराखण