Maharashtra Assembly Election 2024: युतीधर्म काय फक्त शिवसेनेनेच पाळायचा का? पदाधिकाऱ्यांचा संताप, भाजपचे काम न करण्याची निर्धार
Maharashtra Vidhan Sabha Election 2024 : वाशिमच्या रिसोड विधानसभा मतदारसंघात युतीमध्ये बंडखोरी झाल्याने शिंदे गटाच्या शिवसेनेतून बंडखोरी बद्दल तीव्र नाराजी व्यक्त करण्यात आली आहे.
Maharashtra Vidhan Sabha Election 2024 वाशिम : वाशिमच्या रिसोड विधानसभा मतदारसंघात युतीमध्ये बंडखोरी झाल्याने शिंदे गटाच्या शिवसेनेतून बंडखोरी बद्दल तीव्र नाराजी व्यक्त करण्यात आली आहे. याविषयी त्यांनी पत्रकार परिषद घेऊन फक्त युतीधर्म आम्हीच पाळायचा का? असा सवाल शिवसेनेच्या पदाधिकाऱ्यांनी केला आहे. जर महायुतीमध्ये युतीधर्मा पाळला गेला नाही तर इतर दोन मतदारसंघांमध्ये भाजपच्या उमेदवाराचे काम आम्ही करणार नाही, अशी भूमिका शिवसेनेच्या पदाधिकाऱ्यांनी घेतली आहे. त्यामुळे युतीमध्ये आता वादाच्या नव्या अंकाला सुरुवात होण्याची शक्यता निर्माण झाली आहे.
रिसोड विधानसभा मतदारसंघांमध्ये भाजपचे अनंतराव देशमुख यांनी अपक्ष उमेदवारी अर्ज भरल्याने शिवसेनेच्या उमेदवार भावना गवळी यांना मोठा फटका बसण्याची शक्यता निर्माण झाली आहे. त्यामुळे आता शिवसेनेच्या शिंदे गटातून आक्रमक पवित्रा घेऊन भाजपच्या नेत्याकडे याबद्दल बंडखोरी करणाऱ्याला आपण समज द्यावी आणि अपक्ष उमेदवारी अर्ज मागे घेण्यास भाग पाडावे, अशी विनंती करणार असल्याचे यावेळेस पदाधिकाऱ्यांनी सांगितलंय
रिसोडचा राजकीय इतिहास
माजी महिला बालकल्याण मंत्री सुभाष झनक 2009 मध्ये आमदार म्हणून निवडून गेले. त्यांनी भाजपचे आमदार विजयराव जाधव यांचा पराभव केला होता. तर सुभाष झनक याचं 2013 मध्ये अकाली निधन झाल्या नंतर 2014 च्या लोकसभा निवडणुकीबरोबर विधानसभा पोटनिवडणूक लागली आणि सहानुभूतीच्या लाटेत सुभाष झनक यांचे पुत्र अमित झनक निवडून आले. तर विधानसभा निवडणुका 2014 आणि 2019 मध्ये पुन्हा अमित झनक आमदार म्हणून निवडून आले.
2009 विधानसभा निवडणूक
रिसोड विधानसभा मतदारसंघात सुभाष झनक हे 51,234 मतांनी विजयी झाले. त्यांनी काँग्रेसचे बंडखोर माजी खासदार अनंतराव देशमुख यांचा पराभव केला.
2014 विधानसभा निवडणूक
सुभाष झनक हे विजयी झाले.
2019 विधानसभा निवडणूक
काँग्रेसचे अमित झनक हे विजयी झाले.
1999 ते 2004 आणि 2004 ते 2009 या दोन पंचवार्षिक निवडणुकीत भाजपचे विजयराव जाधव दोन वेळा आमदार म्हणून निवडून गेल्याने भाजप या मतदारसंघावर दावा करतंय.
रिसोडमध्ये काँग्रेसचा आमदार
वाशीम जिल्ह्यात एकूण तीन विधानसभा मतदारसंघ आहेत. वाशीम, कारंजा, रिसोड यापैकी गेल्या दोन पंचवार्षिक निवडणुकांमध्ये वाशीम, कारंजा मतदारसंघात भाजपचे उमेदवार जिंकून आले. तर रिसोड मतदारसंघात काँग्रेस आमदार निवडून आले आहेत.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
