राधाकृष्ण विखे पाटील शिर्डी लोकसभा मतदारसंघात शिवसेनेला मदत करणार : सदाशिव लोखंडे

शिर्डी लोकसभा मतदारसंघातून श्रीरामपूरचे विद्यमान आमदार भाऊसाहेब कांबळे यांच्या गळ्यात उमेदवारीची माळ पडली आहे. मात्र विजेतेपदासाठी भाऊसाहेब कांबळेंना चांगलीच कसरत करावी लागणार आहे.

शिर्डी : विरोधी पक्षनेते राधाकृष्ण विखे पाटील शिर्डी लोकसभा मतदार संघात शिवसेनेला मदत करणार असल्याचा गौप्यस्फोट शिवसेनेचे खासदार सदाशिव लोखंडे यांनी केला आहे. सदाशिव लोखंडे यांच्या दाव्यानंतर आघाडीच्या उमेदाराला ही निवडणूक कठीण जाणार असल्याच दिसून येत आहे.

राधाकृष्ण विखे-पाटील अहमदनगर दक्षिणेत भाजपचे उमेदवार सुजय विखे पाटील तर उत्तर नगरमध्ये शिवसेनेला मदत करणार असल्याचा दावा लोखंडे यांनी केला आहे. शिवसेनेकडून उमेदवारी जाहीर झाल्यानंतर प्रसारमाध्यमांशी बोलताना त्यांनी हा दावा केला.

श्रीगोंदा येथे दोन दिवसांपूर्वी राधाकृष्ण विखे पाटील यांच्याशी भेट झाल्याचं लोखंडे यांनी सांगितलं. याच भेटीदरम्यान राधाकृष्ण विखे-पाटलांनी आपल्याला शब्द दावा लोखंडे यांनी म्हटलं आहे.

शिर्डी लोकसभा मतदारसंघातून श्रीरामपूरचे विद्यमान आमदार भाऊसाहेब कांबळे यांच्या गळ्यात उमेदवारीची माळ पडली आहे. मात्र विजेतेपदासाठी भाऊसाहेब कांबळेंना चांगलीच कसरत करावी लागणार आहे. भाऊसाहेब कांबळे हे विखे समर्थक समजले जातात. सुजय यांच्या भाजपप्रवेशानंतर राधाकृष्ण विखे पाटलांनी अहमदनगरमध्ये कोणाचाच प्रचार न करण्याची भूमिका घेतली आहे. मात्र आता त्यांचे समर्थकच शिर्डीतून रिंगणात उतरले आहेत.