Chhatrapati Sambhajinagar Lok Sabha Election Result 2024 : यंदाची लोकसभा निवडणूक अनेक अर्थांनी विशेष ठरली. या निवडणुकीत महाराष्ट्रातील अनेक मतदारसंघ विशेष रुपाने चर्चेत राहीले. यामध्ये छत्रपती संभाजीनगरचाही (औरंगाबाद) समावेश आहे. या मतदारसंघात एमआयएम पक्षाचे नेते तथा विद्यमान खासदार इम्तियाज जलील (Imtiaz Jaleel), एकनाथ शिंदे (Eknath Shinde) यांच्या पक्षाचे नेते तथा मंत्री संदिपान भुमरे (Sandipan Bhumre) आणि उद्धव ठाकरे (Uddhav Thackeray) यांच्या शिवसेनेचे नेते चंद्रकांत खैरे (Chandrakant Khaire) यांच्यात प्रमुख लढत झाली. म्हणूनच तिरंगी लढत झालेल्या या मतदारसंघात नेमकं कोण बाजी मारणार असा प्रश्न सर्वांनाच पडला होता. 13 मे 2024 रोजी या मतदारसंघात मतदान झालं. निवडणूक आयोगाने दिलेल्या माहितीनुसार या मतदारसंघात एकूण 63.07 टक्के मतदान झाले आहे. दरम्यान या मतदारसंघातील निकाल आता स्पष्ट झाला आहे. या जागेवर संदिपान भुमरे हे 1 लाख 34 हजार 650 मतांच्या फरकाने विजयी झाले आहेत.
| उमेदवाराचे नाव | पक्ष | निकाल |
| चंद्रकांत खैरे | शिवसेना (ठाकरे गट) | पराभूत (293450 मते) |
| संदिपान भुमरे | शिवसेना (शिंदे गट) | विजयी (476130 मते) |
| इम्तियाज जलील | AIMIM | पराभूत (341480 मते) |
संभाजीनगर फेरीनिहाय मिळालेली मते आणि आघाडी
पहिली फेरी
संदीपन भुमरे 16407
चंद्रकांत खैरे 11429
इम्तियाज जलील 1974 5
फेरीअंती इम्तियाज जलील 3338 मतांनी आघाडीवर
दुसरी फेरी
संदीपन भुमरे : 33419
चंद्रकांत खैरे 22243
इम्तियाज जलील 35691
फेरीअंती इम्तियाज 2272 मतांनी आघाडीवर
तिसरी फेरी
संदीपन भुमरे 50946
चंद्रकांत खैरे : 35506
इम्तियाज जलील 50718
तिसऱ्या फेरीअंती संदीपन भुमरे 228 मतांनी आघाडीवर
चौथी फेरी
संदीपन भुमरे 70455
चंद्रकांत खैरे 48297
इम्तियाज जलील 64434
चौथ्या फेरीअंती भुमरे 6021 मतांनी आघाडीवर
पाचवी फेरी
संदीपन भुमरे 86586
चंद्रकांत खैरे 58270
इम्तियाज जलील 84637
पाचव्या फेरीअंती भुमरे 1949 मतांनी आघाडीवर
सहावी फेरी
संदीपन भुमरे : 106421
चंद्रकांत खैरे : 70223
इम्तियाज जलील : 99101
सहाव्या फेरीअंती भुमरे 7320 मतांनी आघाडीवर
सातवी फेरी
संदीपन भुमरे 124703
चंद्रकांत खैरे 81726
इम्तियाज जलील 114518
सातव्या फेरीअंती भुमरे 10185 मतांनी आघाडीवर
आठवी फेरी
संदीपन भुमरे 145436
चंद्रकांत खैरे 94658
इम्तियाज जलील 128693
आठव्या फेरीअंती भुमरे 16743मतांनी आघाडीवर
नववी फेरी
संदीपन भुमरे 166660
चंद्रकांत खैरे 107310
इम्तियाज जलील 143866
नवव्या फेरीअंती भुमरे 22794 मतांनी आघाडीवर
दहावी फेरी
संदीपन भुमरे : 186177
चंद्रकांत खैरे : 116440
इम्तियाज जलील 159228
10 व्या फेरीअंती भुमरे 26949 मतांनी आघाडीवर
अकरावी फेरी
संदीपन भुमरे : 205699
चंद्रकांत खैरे : 127718
इम्तियाज जलील 171808
11व्या फेरीअंती भुमरे 33891 मतांनी आघाडीवर
बारावी फेरी
संदीपन भुमरे : 223250
चंद्रकांत खैरे 139251
इम्तियाज जलील 187114
12व्या फेरीअंती भुमरे 36136 मतांनी आघाडीवर
तेरावी फेरी
संदीपन भुमरे : 241987
चंद्रकांत खैरे : 151081
इम्तियाज जलील : 199762
13व्या फेरीअंती भुमरे 42219 मतांनी आघाडीवर
चौदावी फेरी
संदीपन भुमरे 260031
चंद्रकांत खैरे 162010
इम्तियाज जलील 216239
14 व्या फेरीअखेर भुमरे 43792 मतांनी आघाडीवर
पंधरावी फेरी
संदीपन भुमरे 278704
चंद्रकांत खैरे 172974
इम्तियाज जलील 233388
15th फेरीअखेर भुमरे 45316 मतांनी विजयी
सोळावी फेरी
संदीपन भुमरे : 301690
चंद्रकांत खैरे 185313
इम्तियाज जलील : 246824
16th फेरीअखेर भुमरे 54866 मतांनी आघाडीवर
-----------------------------
ठळक वैशिष्ट्ये
1 -छत्रपती संभाजी नगर लोकसभा मतदारसंघांमध्ये सहा विधानसभा क्षेत्र येतात.
2 -या चार मतदारसंघात संदिपान भुमरे यांना सर्वाधिक मतं मिळाली तर इम्तियाज जलील यांना औरंगाबाद मध्य आणि औरंगाबाद पूर्व या मतदारसंघात आघाडी मिळाली आहे.
3-संदिपान भुमरे यांना सर्वाधिक आघाडी गंगापूर या मतदारसंघातून मिळाली.
4-सहाही मतदारसंघात चंद्रकांत खैरे यांच्यापेक्षा संदिपान भुमरे यांना अधिकची लीड.
5-वंचित आणि अपक्ष उमेदवार हर्षवर्धन जाधव यांची जाधव यावेळी चालली नाही..
छत्रपती संभाजी नगर लोकसभेमध्ये विधानसभानिहाय मिळालेली मते..
कन्नड विधानसभा (आमदार- उदयसिंग राजपूत उद्धव ठाकरे सेना)
झालेले मतदान 217085
चंद्रकांत खैरे-42338
संदीपान भुमरे-68220
इम्तियाज जलील-37216
भुमरे यांना कन्नड विधानसभा मधून मिलेलेली लीड 25892 मतांची लीड
औरंगाबाद मध्य ( आमदार प्रदीप जयस्वाल शिंदे सेना)
झालेलं मतदान 210180
चंद्रकांत खैरे-43480
संदीपान भुमरे-59740
इम्तियाज जलील -85937
औरंगाबाद मध्य विधानसभा क्षेत्रातून इम्तियाज जलील यांना 26197 मतांची आघाडी
औरंगाबाद पश्चिम मतदारसंघ (आमदार संजय शिरसाट सिंदे सेना)
झालेलं मतदान 235783
चंद्रकांत खैरे -58382
संदीपान भुमरे-95586
इम्तियाज जलील- 54817
औरंगाबाद पश्चिम या मतदारसंघातून संदिपान भुमरे यांना 37204 मतांची आघाडी
औरंगाबाद पूर्व मतदार संघ( विद्यमान आमदार अतुल सावे भाजप)
झालेले मतदान 206633
चंद्रकांत खैरे -38350
संदिपान भुमरे -63228
इम्तियाज जलील-89143
औरंगाबाद पूर्व मतदार संघातून इम्तियाज जलील यांना 25915 मतांची आघाडी
गंगापूर विधानसभा क्षेत्र (विद्यमान आमदार प्रशांत बंब भाजप)
झालेले मतदान 227156
चंद्रकांत खैरे -53113
संदिपान भुमरे -94419
इम्तियाज जलील-48541
गंगापूर मतदारसंघातून संदिपान भुमरे यांना 41306 मतांची आघाडी
वैजापूर विधानसभा क्षेत्र (विद्यमान आमदार रमेश बोरणारे शिंदे सेना)
झालेलं मतदान 200887
चंद्रकांत खैरे -56207
संदिपान भुमरे -93231
इम्तियाज जलील-25223
संदिपान भुमरे यांना 37004 एवढ्या मतांची आघाडी मिळाली..
छत्रपती संभाजीनगरमध्ये अटीतटीची लढत!
छत्रपती संभाजीनगर या मतदारसंघात (Chhatrapati Sambhajinagar Lok Sabha) यावेळी जातीय समीकरण फार महत्त्वाचं ठरलं. याआधीच्या अनेक निवडणुकांत संभाजीनगरात 'खान की बाण' हा मुद्दा प्रचाराच्या केंद्रस्थानी राहिलेला आहे. पण यावेळच्या निवडणुकीत ओबीसी आणि मराठा आरक्षणाचा मुद्दादेखील तेवढाच महत्त्वाचा ठरला.
एकूण किती मतदार? महिला, पुरुष मतदार किती?
संभाजीनगर लोकसभा मतदारसंघात एकूण 20 लाख 59 हजार 710 मतदार आहेत. त्यात 10 लाख 77 हजार 809 पुरुष तर 9 लाख 81 हजार 773 महिला व 128 इतर मतदार आहेत. यातील 12 लाख 99 हजार 40 मतदारांनी आपला मतदानाचा हक्क बजावला. या जागेवर एकूण 63.07 टक्के मतदान झाले आहे. मतदान केलेल्यांमध्ये 7 लाख 9 हजार 816 पुरुष मतदार तर 5 लाख 89 हजार 184 महिला मतदार आणि 40 इतर मतदार होते.
खैरेंचा प्रचार कसा राहिला?
उमेदवारी जाहीर होताच चंद्रकांत खैरे यांनी पहिल्या दिवसापासून पूर्ण ताकदीने प्रयत्न केला. खैरे हे महाविकास आघाडीचे उमेदवार होते. त्यामुळेच त्यांनी प्रचारात मुस्लीम मतदारांशी जवळीक साधण्याचाही प्रयत्न केला. त्याचा काही ठिकाणी सकारात्मक परिणाम दिसला. कारण काही भागांत मुस्लिमांनी खैरे यांना मतदान केल्याचं दिसलं. मोदींना सत्तेतून हटवायचं असेल तर काँग्रेसला साथ द्यावी लागेल त्यासाठी महाविकास आघाडीच्या उमेदवाराला मत द्यावे लागेल, असा विचार यामागे होता. शिवसेनेत झालेल्या बंडखोरीमुळे काही भागात उद्धव ठाकरे यांच्याविषयी सहानुभूती आहे. त्याचा परिणाम म्हणून काही लोकांनी खैरे यांना मतदान केले.
भूमरेंनी प्रचारासाठी कोणतं तंत्र वापरलं?
खैरे यांना उमेदवारी जाहीर झाल्यानंतर पुढचे अनेक दिवस महायुतीने छत्रपती संभाजीनगर या मतदारसंघासाठी आपला उमेदवार जाहीर केला नव्हता. याच कारणामुळे भुमरे यांना प्रचारासाठी कमी दिवस मिळाले. तसं पाहायचं झाल्यास या मतदारसंघात महायुतीची मोठी ताकद आहे. भुमरे स्वत: राज्य सरकारमध्ये मंत्री आहेत. तसेच ते संभाजीनगरचे पालकमंत्रीदेखील आहेत. मित्रपक्ष भाजपचे मिळून या जिल्ह्यात महायुतीचे एकूण पाच मंत्री आहेत. त्यामुळे ही संपूर्ण ताकद भुमरे यांच्या पाठीमागे होती. पण प्रचारात भुमरे यांना दारुवाला उमेदवार म्हणून लक्ष्य करण्यात आलं. तसेच या मतदारसंघात आरक्षणाच्या मुद्द्यामुळे मराठा समाज नाराज होता. मात्र या सर्व नाराजीला दूर सारत भुमरे यांनी विजयी कामगिरी केली.
जलील अपयशी, मिळाली दुसऱ्या क्रमांकाची मते
इम्तियाज जलील हे छत्रपती संभाजीनगरचे विद्यमान खासदार आहेत. वंचित बहुजन आघाडीच्या पाठिंब्यामुळे जलिल यांनी चंद्रकांत खैरे यांचा पराभव करत 2019 सालची निवडणूक जिंकली होती. मात्र यावेळची निवडणूक जलील यांच्यासाठी फार सोपी नव्हती. यावेळी अनेक मुस्लीम मतदार महाविकास आघाडीच्या उमेदवाराच्या पाठिशी राहिल्याचे दिसले. यावेळी वंचित बहुजन आघाडीचाही त्यांना पाठिंबा नव्हता त्यामुळे यावेळी जलील यांना दलित मतदारांचीही हवी तेवढी साथ मिळालेली नाही. त्यामुळे जलील यांच्यासाठी ही निवडणूक कठीण ठरल्याचा दावा केला जातोय. जलील यांनी काही दिवसांपूर्वी आदर्श घोटाळ्याविरोधात मोठे आंदोलन उभे केले होते. त्याचा फायदा जलील यांना होण्याची शक्यता होती. पण जलील यांना यश मिळाले नाही.
हेही वाचा :