एक्स्प्लोर
मराठी कलाकारांच्या #पुन्हानिवडणूक ट्वीटवरुन वाद, काँग्रेसचा आक्षेप
मराठी चित्रपट कलाकारांच्या एकसारख्या ट्वीटवरुन वाद रंगला आहे. बऱ्याच मराठी कलाकारांनी #पुन्हानिवडणूक हा हॅशटॅग वापरत ट्वीट केले आहेत.
मुंबई : निवडणुकीनंतर कोणताही पक्ष सत्ता स्थापन करु न शकल्याने महाराष्ट्रात राष्ट्रपती राजवट लागू झाली. शिवसेनेने एनडीएतून बाहेर पडत काँग्रेस आणि राष्ट्रवादी काँग्रेससोबत सत्ता स्थापनेची चर्चा सुरु केली. एकीकडे महाशिवआघाडी सत्ता स्थापन करणार असल्याची चर्चा रंगली आहे तर दुसरीकडे आपलंच सरकार येईल, असा दावा भाजपने केला आहे. मात्र या सर्व घडामोडींमध्ये मराठी चित्रपट कलाकारांच्या एकसारख्या ट्वीटवरुन वाद रंगला आहे. बऱ्याच मराठी कलाकारांनी #पुन्हानिवडणूक हा हॅशटॅग वापरत ट्वीट केले आहेत. सोनाली कुलकर्णी, सिद्धार्थ जाधव, सई ताम्हणकर, अंकुश चौधरी, वैभव गयानकर यांच्यासह अनेक कलाकारांनी आज #पुन्हानिवडणूक हा एक हॅशटॅग वापरुन ट्वीट केले आहे. सगळ्या कलाकारांनी एकाच वेळी एकच ट्वीट केल्याने काँग्रेसने आक्षेप घेतला आहे. ज्या पद्धतीने एकाच वेळी कलाकार #पुन्हानिवडणूक हा हॅशटॅग वापरत आहेत. त्यातच भाजप आयटी सेलही सक्रिय झाली आहे. भाजप असं करु शकते. भाजप सूडाचं राजकरण करुन इथे अनैतिकता पसरवत आहे, असा आरोप काँग्रेसचे नेते सचिन सावंत यांनी केला आहे. मराठी कलाकारांचा वापर होऊ नये : काँग्रेस सचिन सावंत म्हणाले की, "कोब्रो पोस्टच्या व्हिडीओमध्ये दिसलं होतं की भाजप पैसे देऊन हिंदी कलाकारांना ट्वीट करायला सांगतात. मराठी कलाकारांचा असा वापर होऊ नये. भाजप असं करु शकते. भाजप सूडाचं राजकारण करुन इथे अनैतिकता पसरवत आहे. मराठी कलाकारांचा वापर ते करु शकतात यात नवीन काही नाही. असं होऊ नये, महाराष्ट्रात अशी प्रथा पाडू नये."
सिनेमाच्या प्रमोशनसाठी हॅशटॅग? दरम्यान, मराठी कलाकारांनी एकाच वेळी #पुन्हानिवडणूक हा हॅशटॅग वापरण्यामागची दुसरी बाजू समोर आली आहे. हा एक प्रमोशनाचा भाग आहे. धुरळा नावाचा सिनेमा येत आहे. त्याचाच भाग म्हणून हा हॅशटॅग करण्यात आला आहे.भाजपाच्या आयटी सेलचा या कलाकारांशी काय संबंध आहे? याची पोलिसांकडून चौकशी झाली पाहिजे. कोब्रापोस्ट ने या अगोदर बाॅलीवुडच्या कलाकारांचे स्टिंग ऑपरेशन केले आहे. त्यात भाजपातर्फे राजकीय ट्विट करण्यासाठी पैसे आॅफर केले जाते हे स्पष्ट झाले आहे. https://t.co/2JwgrTAN0K
— Sachin Sawant (@sachin_inc) November 15, 2019
महत्त्वाच्या बातम्या
राजकारण
'एखादं विद्यापीठ किंवा मोठी संस्था उभी राहते तेव्हा फक्त इमारती उभ्या राहत नाही, तर..' ज्ञानयात्री डी. वाय. पाटील हरपल्यानंतर राज ठाकरेंची पोस्ट
नागपूर
'पारधी समाजातील महिला अस्वच्छ, अंघोळ करत नाहीत, कुटुंबात दारुचा व्यवसाय, आमच्या बँकेत त्यांची खातीच नकोत..'; काटोलमधील बँक ऑफ इंडिया शाखेतील अधिकाऱ्यांचा मस्तवालपणाचा कळस
क्राईम
कोल्हापुरात बंद घरामध्ये जिलेटिनचा मोठा स्फोट, भिंतींच्या अक्षरशः ठिकऱ्या उडाल्या; सुर्वे नगरमध्ये मध्यरात्री नेमकं काय घडलं?
राजकारण
एकनाथ शिंदेंची शिवसेनेच्या चार मंत्र्यांना फायनल वॉर्निंग, काम करा नाही तर.... मंत्रिमंडळाच्या बैठकीपूर्वी काय घडलं?
