CBSE 12th Term 2 Exam 2022 : उद्यापासून सुरू होणार CBSE Term 2 परीक्षा; ही आहेत मार्गदर्शक तत्वे

CBSE 12th Term 2 Exam 2022 Tips : केंद्रीय माध्यमिक शिक्षण मंडळाच्या 10 वी आणि 12 वीच्या टर्म 2 परीक्षेला उद्यापासून सुरुवात होणार आहे.

CBSE 12th Term 2 Exam 2022

CBSE 12th Term 2 Exam 2022 Tips:  केंद्रीय माध्यमिक शिक्षण मंडळाच्या (CBSE) 10 वी आणि 12 वीच्या टर्म 2 च्या परीक्षा उद्यापासून 26 एप्रिलपासून सुरू होत आहे. सीबीएसई बोर्डाने या परीक्षेसाठी सर्व तयारी पूर्ण केली आहे. . CBSE बोर्डाच्या 10 वी आणि 12 वीच्या परीक्षा 26 एप्रिल 2022 पासून सुरू होणार आहेत. CBSE बोर्डाची 10वीची परीक्षा 24 मे पर्यंत, तर 12वीची परीक्षा 15 जून 2022 पर्यंत असणार आहे. 

CBSE बोर्डाच्या परीक्षा 2022 पूर्वी वर्षातून एकदाच होत होत्या. परंतु, यावेळी देशभरातील कोरोनाची परिस्थिती पाहता सीबीएसई बोर्डाकडून ही परीक्षा दोन टर्ममध्ये घेतली जात आहे. 

>> CBSE Term 2 परीक्षेसाठी मार्गदर्शक सुचना प्रसिद्ध करण्यात आल्या आहेत

> हॉल तिकिट : परीक्षेसाठी हॉल तिकिट अनिवार्य करण्यात आले आहे.  हॉल तिकिटसह शाळेचे ओळखपत्र देखील सोबत ठेवावे. विद्यार्थ्यांनी हॉल तिकिटवर नमूद केलेल्या सर्व सूचना अगोदर वाचून त्याचे पालन करावे.

> कोव्हिड प्रोटोकॉलचे पालन करावे: अनेक राज्यांमध्ये कोविड प्रकरणांमध्ये वाढ होत असल्याने, परीक्षा देताना प्रोटोकॉलचे पालन करणे अनिवार्य आहे. विद्यार्थ्यांना मास्कचा वापर करावा लागणार. त्याशिवाय सोशल डिस्टेंसिंगचे वापर करावा लागणार आहे. 

> परीक्षा केंद्रावर वेळेआधीच पोहचा: परीक्षा केंद्रावर गर्दी टाळण्यासाठी परिक्षेच्या वेळेच्या किमान एक तास आधी पोहचा. 
CBSE ची ही परीक्षा दोन तासांची परीक्षा असणार आहे. परीक्षा सकाळी 10:30 ते दुपारी 12:30 दरम्यान घेतली जाणार आहे. 

> प्रश्नपत्रिका वाचण्यासाठी अतिरिक्त वेळ: विद्यार्थ्यांना प्रश्नपत्रिका वाचण्यासाठी आणि वाचण्यासाठी 20 मिनिटे अतिरिक्त वेळ देण्यात आली आहे. 

> मोबाईल, ब्लुटुथ दूर ठेवा: परीक्षा केंद्रावर मोबाईल फोन, ब्लूटूथ किंवा इअरफोन सोबत नेऊ नये. नियमांचे उल्लंघन केल्याचे आढळून आल्यास त्यांच्यावर कडक कारवाई करण्यात येणार आहे. 

>> CBSE टर्म 2 हॉल तिकिट कसे डाउनलोड कराल?

- अधिकृत वेबसाइट cbse.gov.in वर जा.

- होमपेजवर दिसणार्‍या प्रवेशपत्राच्या लिंकवर क्लिक करा.

- तुमचे वैयक्तिक तपशील भरा आणि सबमिट करा.

- प्रवेशपत्र स्क्रीनवर प्रदर्शित होईल.

- डाउनलोड करा आणि CBSE टर्म 2 परीक्षेच्या प्रवेशपत्राची प्रत नेहमीच तुमच्याकडे ठेवा.