CBSE 12th Result 2022 : CBSE 12 वीचा निकाल जाहीर, पण टॉपर्स लिस्ट जाहीर केलीच नाही, जाणून घ्या कारण
CBSE 10th Result 2022 : सीबीएसई बोर्डाच्या परीक्षेत यंदा बारावी उत्तीर्ण होण्याचे प्रमाण 92.71 टक्के आहे. या वर्षीच्या निकालाबद्दल बोलायचे झाले तर बारावीत मुलींनी बाजी मारली आहे.
CBSE 10th Result 2022 : सेंट्रल सेंटर फॉर सेकंडरी एज्युकेशन (CBSE) ने 12वीचा निकाल (12वीचा निकाल) जाहीर केला आहे. हे निकाल CBSE च्या अधिकृत वेबसाईट cbse.gov.in वर जाहीर करण्यात आले आहेत. या वर्षी 35 लाख विद्यार्थ्यांनी CBSE बोर्डाच्या परीक्षेत भाग घेतला होता, त्यापैकी 14 लाख विद्यार्थी 12वीच्या परीक्षेला बसले होते. कोरोनामुळे यावेळी सीबीएसई परीक्षा दोन टर्ममध्ये घेण्यात आली. सीबीएसई बोर्डाच्या परीक्षेत यंदा बारावी उत्तीर्ण होण्याचे प्रमाण 92.71 टक्के आहे. या वर्षीच्या निकालाबद्दल बोलायचे झाले तर बारावीत मुलींचा निकाल मुलांपेक्षा चांगला लागला आहे.
टॉपर्सची लिस्ट जाहीर नाही
यंदा मुले 91.25 टक्के तर मुली 94.54 टक्के उत्तीर्ण झाल्या आहेत. बोर्डाकडून मिळालेल्या माहितीनुसार, यावेळी टॉपर्सची लिस्ट जाहीर केली जाणार नाही. यावेळी विद्यार्थ्यांना गुणवत्ता प्रमाणपत्रांचे वाटप करण्यात येणार आहे. सर्वाधिक गुण मिळविणाऱ्या 0.1 टक्के विद्यार्थ्यांनाच ही गुणवत्ता प्रमाणपत्रे दिली जातील.
CBSE 12वीचा निकाल अशा प्रकारे तयार करण्यात आला
यावेळी विद्यार्थ्यांच्या मनात एकच प्रश्न होता की, परीक्षा दोन टर्ममध्ये घेण्यात आली आहे आणि अशा स्थितीत मार्किंग कसे होणार? विद्यार्थ्यांच्या प्रश्नांना उत्तरे देताना केंद्रीय माध्यमिक शिक्षण केंद्राने टर्म-1 परीक्षेचे 30 टक्के आणि टर्म-2 परीक्षेचे 70 टक्के वेटेज ठेवले होते. निकाल टर्म एक आणि टर्म दोनमध्ये विभागला होता. त्यानुसार 12 वी चा अंतिम निकाल तयार करण्यात आला. याशिवाय दोन्ही टर्ममध्ये प्रॅक्टिकलचे गुण समान प्रमाणात विभागण्यात आले.
मुलींनी मारली बाजी
यावर्षी 14,44,341 विद्यार्थ्यांनी CBSE 12वी परीक्षेसाठी नोंदणी केली होती. यापैकी 14,35,366 विद्यार्थ्यांनी परीक्षा दिली होती, तर 13,30,662 विद्यार्थी उत्तीर्ण झाले आहेत. या सर्वांना मिळून उत्तीर्णतेची टक्केवारी 92.71 टक्के आहे. दुसरीकडे, सीबीएसई परीक्षेत यंदा मुलांपेक्षा मुलींनी बाजी मारली आहे. यंदा 94.54 टक्के मुली उत्तीर्ण झाल्या असून 91.25 टक्के मुलांना यश मिळाले आहे.
Education Loan Information:
Calculate Education Loan EMI
Before You Go
Sudhir Mugntiwar Satara Speech : छत्रपती शिवाजी महाराज की जय! म्हणत सुधीर मुनगंटीवराचं जोरदार भाषण
महत्त्वाच्या बातम्या
