एकतर्फी प्रेमातून तरुणीवर प्राणघातक हल्ला, पोटात चाकू असलेल्या अवस्थेत रुग्णालयात दाखल

यवतमाळ जिल्ह्यातील घाटंजी तालुक्यात एकतर्फी प्रेमातून तरुणीवर प्राणघातक हल्ला केल्याची घटना घडली आहे.यात तरुणी गंभीर जखमी झाली असून पीडितेवर यवतमाळच्या शासकीय रुग्णालयात उपचार सुरू आहेत.

सांकेतिक छायाचित्र

यवतमाळ : एकतर्फी प्रेमातून तरुणीवर चाकूने प्राणघातक हल्ला झाल्याची घटना घाटंजी तालुक्यातील मारेगाव येथे घडली आहे. या हल्ल्यात तरुणी गंभीर जखमी झाली आहे. धक्कादायक म्हणजे चाकू पोटात असलेल्या अवस्थेमध्ये पीडितेच्या काकाने तिला रुग्णालयात दाखल केलं. तरुणीवर यवतमाळच्या शासकीय रुग्णालयात उपचार सुरू आहेत.

तरुणी शेतात मजूरीचे काम करीत असताना आरोपी चितांमण पुसनाके याने तू दुसऱ्या व्यक्तीशी कसं काय लग्न करते? असे विचारत तिच्यावर चाकूने हल्ला केला. तरुणी पोटात चाकू असल्याने रक्ताच्या थारोळ्यात पडली. तिच्या सोबतच्या मैत्रिणींनी तिच्या काकाला या घटनेची माहिती दिली. त्यांनतर मुलीच्या काकाने जखमी अवस्थेत मुलीला खाद्यांवर ऊचलून 500 मीटरपर्यंत आणले. त्यानंतर दुचाकीच्या साहाय्याने तिला घाटंजी रुग्णालयात दाखल केले. तिची प्रक्रुती चीतांजनक असल्या कारणाने तिला यवतमाळ शासकीय रुग्णालयात दाखल आहे. घाटंजी पोलिसांनी आरोपीला ताब्यात घेतले असून त्यावर गुन्हा दाखल केला आहे.