Twisha Sharma Death Case: लग्नाच्या अवघ्या 5 महिन्यांत मृत्यू, 13 दिवस त्विशाचा मृतदेह अंत्यसंस्काराच्या प्रतीक्षेत, दुसऱ्या पोस्टमॉर्टमकडे सर्वांचं लक्ष, काय धक्कादायक माहिती समोर येणार?
Twisha Sharma Death Case: गेल्या 13 दिवसांपासून त्विशाचा मृतदेह अंत्यसंस्काराविना ठेवण्यात आला होता. कुटुंबीयांनी त्विशाच्या मृत्यूबाबत गंभीर संशय व्यक्त करत चौकशीची मागणी केली होती.
Twisha Sharma Death Case: लग्नानंतर अवघ्या पाच महिन्यांतच सासरच्या घरी झालेल्या त्विशा शर्माच्या संशयास्पद मृत्यू प्रकरणाने संपूर्ण देश हादरला आहे. हे प्रकरण दिवसागणिक अत्यंत क्लिष्ट बनत चालले आहे. अखेर, मृत्यूच्या 13 दिवसांनंतर आज ट्विशा शर्माच्या पार्थिवावर अंतिम संस्कार केले जाणार आहेत. त्विशाच्या सासरच्या मंडळींच्या आणि पतीच्या राजकीय व सामाजिक दबावामुळे पहिल्या पोस्टमॉर्टममध्ये (Post-Mortem) तथ्य लपवण्यात आल्याचा आरोप तिच्या कुटुंबीयांनी केला होता. त्यामुळे कोर्टाच्या आदेशानंतर दुसऱ्यांदा करण्यात आलेल्या शवविच्छेदनानंतर आज हा अंत्यविधी पार पडणार आहे.
Twisha Sharma Death Case: आज सायंकाळी होणार अंत्यविधी
ट्विशाचे पार्थिव आज तिच्या कुटुंबीयांच्या स्वाधीन केले जाणार असून, भोपाळमधील भदभदा विश्रामघाटावर सायंकाळी 5 वाजता तिच्यावर अंत्यसंस्कार केले जातील, अशी माहिती ट्विशाचा भाऊ आशिष शर्मा याने दिली आहे. या अंत्यसंस्काराला ट्विशाचा पती समर्थ सिंह याचे कुटुंबीय उपस्थित राहणार का? या प्रश्नावर बोलताना आशिषने सांगितले की, "हा काही कोणाला निमंत्रण देण्याचा कार्यक्रम नाही. ज्याची श्रद्धा आणि भावना असेल, तो नक्की येईल."
Twisha Sharma Death Case: पहिल्या पोस्टमॉर्टम रिपोर्टवर गंभीर प्रश्नचिन्ह
ट्विशा शर्मा हिचे वडील नवनिधी शर्मा यांनी दिल्लीतील एम्स (AIIMS) रुग्णालयाने स्थापन केलेल्या विशेष मेडिकल बोर्डाला पत्र लिहून पहिल्या पोस्टमॉर्टम रिपोर्टवर गंभीर प्रश्न उपस्थित केले आहेत. पहिल्या शवविच्छेदनादरम्यान अनेक महत्त्वाच्या वैद्यकीय बाबींकडे जाणीवपूर्वक दुर्लक्ष करण्यात आल्याचा आरोप कुटुंबीयांनी केला आहे. त्यामुळे मेडिकल बोर्डाने फॉरेंसिक, पॅथॉलॉजिकल आणि रेडिओलॉजिकल अशा सर्व आधुनिक आणि बहु-शाखीय पद्धतींचा वापर करून स्वतंत्र व निष्पक्ष तपास करावा, अशी मागणी वडिलांनी पत्राद्वारे केली आहे.
Twisha Sharma Death Case: 10 दिवस फरार असलेला पती पोलिसांच्या ताब्यात
ट्विशाच्या मृत्यूपासून तब्बल 10 दिवस फरार असलेला तिचा पती समर्थ सिंह याला अखेर पोलिसांनी शुक्रवारी अटक केली. न्यायालयाने त्याला 7 दिवसांची पोलीस कोठडी सुनावली आहे. पोलीस कोठडीत समर्थने चौकशीदरम्यान अनेक धक्कादायक खुलासे केले आहेत. समर्थने पोलिसांसमोर दावा केला आहे की, "गर्भवती (Pregnancy) राहिल्यापासून ट्विशाच्या वर्तनात अचानक मोठा बदल झाला होता. तिने माझ्यासोबत बेंगळुरूला येण्यास साफ नकार दिला होता आणि तिला तिच्या भावासोबत अजमेर येथे राहायचे होते. याच कारणावरून आमच्यात वारंवार वाद आणि भांडणे होत होती." सध्या पोलीस समर्थच्या या दाव्यांची सत्यता तपासत असून, दिल्ली एम्सचा दुसरा पोस्टमॉर्टम रिपोर्ट आल्यानंतरच ट्विशाच्या मृत्यूचे खरे कारण समोर येणार आहे.
राज्य आणि देश-विदेशातील महत्त्वाच्या बातम्या; पाहा व्हिडीओ
आणखी वाचा
महत्त्वाच्या बातम्या
