श्रद्धाला 2 वर्षांपूर्वीच लागलेली मृत्यूची कुणकुण? नोव्हेंबर 2020 मध्येच केलेली आफताबविरोधात तक्रार
Shraddha Murder Case: नोव्हेंबर 2020 मध्ये श्रद्धा वालकरनं आफताबविरोधात दिलेली पोलिसांत तक्रार. गळा दाबून जीवे मारण्याच्या धमकीचा उल्लेख, आफताबच्या कुटुबीयांना कल्पना असल्याचीही तक्रार.
Shraddha Murder Case: श्रद्धा वालकर हत्या प्रकरणात (Shraddha Murder Case) दिवसागणिक नवे खुलासे होत आहेत. आपल्यावर येणाऱ्या प्रसंगाची श्रद्धा वालकरला गेल्या दोन वर्षांपासून माहिती होती का? असा विचार करायला लावणारं एक पत्र समोर आलं आहे. यानुसार आफताबपासून जीवाला धोका असल्याची तक्रार श्रद्दानं 2020 मध्येच केली होती, अशी माहिती येत आहे. यात आफताब गळा दाबून मारण्याची आणि मृतदेहाचे तुकडे करण्याची धमकी देत असल्याचं या तक्रारीत नमूद आहे. तसंच आफताबच्या संपूर्ण कुटुंबालाही त्याच्या या वागण्याची माहिती होती, असंही श्रद्धानं या पत्रात लिहील्याचं समोर आलं आहे. मात्र ही तक्रार दाखल केली, त्यावेळी पोलिसांनी अदखलपात्र गुन्हा दाखल करून आफताबला केवळ समज दिल्याची माहिती आहे.. श्रद्धानं काही काळानंतर ही तक्रार मागे घेतल्याचीही माहिती आहे.
श्रद्धा वालकरने लिहिलेलं पत्र गंभीर : देवेंद्र फडणवीस
2020ला श्रद्धा वालकर हिनं जिवाला धोका असल्याचं पत्र महाराष्ट्राच्या पोलीसांना लिहीलं होतं. ते पत्र माझ्याकडे पण आलं आहे. हे अत्यंत गंभीर पत्र होतं. पण त्यांच्यावर कारवाई का झाली नाही? याची माहिती नाही. त्याबद्दल कोणावरही दोषारोपण करू इच्छित नाही... मात्र, याची चौकशी व्हायला हवी. अशा प्रकारच्या पत्रावर कारवाई का होत नाही. त्या बद्दल कोणावरही दोषारोपण करू इच्छित नाही. मात्र, याची चौकशी व्हायला हवी.
श्रद्धा वालकर हत्याप्रकरण, आरोपी आफताबचं इन्स्टा चॅट समोर
श्रद्धा वालकर हत्याप्रकरणी आरोपी आफताबचं आणखी एक चॅट समोर आलं आहे. श्रद्धा आणि त्याच्या कॉमन मित्रासोबतचं हे इन्स्टाग्राम चॅट आहे. श्रद्धाच्या हत्येनंतर चार महिन्यांनंतरचं हे चॅट आहे. मात्र या चॅटमध्ये श्रद्धाबाबत काहीच माहिती नसल्याचं आफताब या मित्राला भासवण्याचा प्रयत्न करतोय. आफताब आणि त्याच्या या मित्रामध्ये जवळपास 17 मिनिटं 33 सेकंद संभाषण होतं. या संपूर्ण संभाषणात श्रद्धा कुठे आहे? हे आपल्याला माहिती नाही असंच भासवण्याचा आफताब प्रयत्न करत असल्याचे उघड झालं आहे. मे महिन्यात आफताबनं श्रद्धाची हत्या केली होती. मात्र श्रद्धा आपल्याला सोडून गेल्याचं आफताब या मित्रांना भासवत होता. आफताब आणि श्रद्धाच्या या कॉमन मित्रानं हे चॅट आता पोलिसांना दिलं आहे. पोलिसांनी त्याचा जबाबही नोंदवला आहे.
दरम्यान श्रद्धा वालकरचा एक व्हिडीओ समोर आला आहे. हा व्हिडीओ तिच्या महाविद्यालयीन जीवनातला आहे. या व्हिडीओमध्ये काही विद्यार्थ्यांसोबत तिची नाटकाची तालीम सुरू आहे. रामायणातील सीताहरण या विषयावर श्रद्धानं अवघ्या 24 तासांत हे नाटक बसवलं होतं, अशी माहिती मिळतेय. यावेळी श्रद्धा बीएमएमच्या दुसऱ्या वर्षात शिकत होती.
महत्त्वाच्या इतर बातम्या :
महत्त्वाच्या बातम्या
