Sanjay Raut : हमाम में सब नंगे… खरातच्या 'हमाम'मध्ये कोण कोण आहेत हे समोर आणा, संजय राऊतांची मागणी

Sanjay Raut On Kharat Case : राज्याच्या महिला आणि बालकल्याण मंत्री, त्यांचे वडील हे अशोक खरातचे भक्त होते. महिलांचे शोषण होत असताना आता त्यांनी यावर बोलायला हवं अशी मागणी खासदार संजय राऊत यांनी केली.

Sanjay Raut On Ashok Kharat Case

Source : abp majha

मुंबई : भोंदू अशोक खरात (Ashok Kharat Case) प्रकरणावरून राजकीय वातावरण तापलं असून शिवसेना ठाकरे गटाचे खासदार संजय राऊत (Sanjay Raut)  यांनी जोरदार प्रतिक्रिया दिली आहे. 'हमाम में सब नंगे' असं म्हणत त्यांनी या प्रकरणात मोठ्या लोकांचा सहभाग असल्याचा दावा केला आहे. खरातने घेतलेली नावे आणि त्याच्याशी संबंधित लोकांची माहिती पोलिसांनी आणि एसआयटीने जाहीर करावी, अशी मागणीही त्यांनी केली आहे.

Sanjay Raut On Neelam Gore : नीलम गोरे प्रकरणावर टीका

संजय राऊत म्हणाले की, या प्रकरणात कोणीही लपून राहिलेलं नाही. खरातच्या हमाममध्ये कोण कोण आहे, हे समोर यायला हवं. राज्याच्या महिला आणि बालकल्याण मंत्री आणि त्यांचे वडील या खरातचे भक्त आहेत. आता महिलांवर अत्याचार झाल्याचं समोर आल्यानंतर त्या मंत्र्यांनी यावर भाष्य करणं गरजेचं आहे. 

Sanjay Raut On Deepak Kesarkar : केसरकरांवर प्रतिक्रिया

संजय राऊत यांनी यांनी दीपक केसरकरांबाबत बोलताना थेट भाष्य टाळलं. मात्र या प्रकरणात आता राष्ट्रपतींनी लक्ष द्यावा, कारण राष्ट्रपतीही एक महिला आहेत. महिलांवर अत्याचार होत असताना राष्ट्रपतींनी राज्याच्या राज्यपालांना निर्देश द्यावेत अशी मागणी संजय राऊत यांनी केली. महाराष्ट्रासारख्या राज्यात एवढं मोठं प्रकरण घडलं असून सरकार माहिती दडवत असल्याचा आरोप त्यांनी केला.

Sanjay Raut On Vijay Wadettiwar : वडेट्टीवारांच्या वक्तव्यावर प्रतिक्रिया

एपस्टीनकडे अनेक बड्या नेत्यांची माहिती होती, त्यामुळे त्याला तुरुंगातच मारलं गेलं. असाच प्रकारची घटना आपल्याकडे घडली असून अशोक खरातकडे बडे राजकारणी, आयएएस, आयपीएस अधिकारी आणि उद्योगपतींची नावे आहेत. त्यामुळे त्याचंही एपस्टीनसारखं होण्याची शक्यता असल्याचं काँग्रेस नेते विजय वडेट्टीवर म्हणाले होते. त्यावरही संजय राऊतांनी प्रतिक्रिया दिली.

संजंय राऊत म्हणाले की, "मला असं वाटतं की नाशिकचे पोलीस आयुक्त संदीप कर्णिक यांनी सुरूवातीपासून या प्रकरणात तपासाची जी दिशा पकडली आणि त्या घरात बाबाला अक्षरशः मोडून काढले. त्याच्यामुळे तुरुंगात सुद्धा खरातची विशेष काळजी घेतली जाईल. तुरुंगात त्याच्यावरती हल्ला होणं किंवा मारणं हे सरकारला परवडणार नाही. विजय वडेट्टीवार हे मोठे नेते आहेत. त्यांच्याकडे काही माहिती असल्याशिवाय ते बोलणार नाहीत."

खरातच्या सुरक्षेबाबत बोलताना त्यांनी म्हटलं की, तो काही राष्ट्रपती नाही. त्याची सुरक्षा ही तुरुंग प्रशासनाची जबाबदारी आहे. कसाबच्या उदाहरणाचा उल्लेख करत त्यांनी सुरक्षेच्या मुद्द्यावर अनावश्यक चर्चा होऊ नये असं म्हटलं.

अमेरिकेचे राष्ट्राध्यक्ष डोनाल्ड यांच्यावरही संजय राऊतांनी टीका केली. ट्रम्प यांना कुणीही मित्र नसून त्यांनी फक्त ‘गुलाम’ नेमले आहेत, असा आरोप करत त्यांनी अमेरिकेत सुरू असलेल्या आंदोलनांचं समर्थन केलं.

ही बातमी वाचा: