Rupali Chakankar SIT Inquiry Ashok Kharat Case: रुपाली चाकणकर एसआयटी चौकशीसाठी निघाल्या, वाटेत गाडी बदलली, 3-4 वेळा थांबवली; नेमकं काय काय घडलं?
Rupali Chakankar SIT Inquiry Ashok Kharat Case: नाशिकमधील भोंदू अशोक खरात प्रकरणात राज्य महिला आयोगाच्या माजी अध्यक्षा रुपाली चाकणकर आज एसआयटीसमोर हजर राहणार आहेत.
Rupali Chakankar SIT Inquiry Ashok Kharat Case: नाशिकमधील भोंदू अशोक खरात (Ashok Kharat Case) प्रकरणात राज्य महिला आयोगाच्या माजी अध्यक्षा रुपाली चाकणकर (Rupali Chakankar SIT Inquiry) आज एसआयटीसमोर हजर राहणार आहेत. यासाठी आज सकाळी पुण्याहून नाशिकसाठी रुपाली चाकणकर रवाना झाल्या.
नाशिकच्या गुन्हे अन्वेषण प्रशिक्षण महाविद्यालयात रूपाली चाकणकर चौकशी केली जाणार असल्याची माहिती आहे. एसआयटी प्रमुख तेजस्वी सातपुते स्वतः रूपाली चाकणकर यांची चौकशी करण्याची शक्यता आहे. रुपाली चाकणकर यांच्यासोबत महिला वकील उपस्थित राहणार आहेत. रूपाली चाकणकर यांनी महिला आयोगाच्या अध्यक्षपदावर असताना पदाचा गैरवापर केल्याचा ठपका आहे. गेल्या काही दिवसांपासून अशोक खरात प्रकरणी अनेक धक्कादायक माहिती समोर येत आहे. तसेच सदर प्रकरणी आतापर्यंत अनेक लोकांची एसआयटी आणि पोलिसांकडून चौकशी करण्यात आली. त्यानंतर आता रुपाली चाकणकरांचीही अशोक खरात प्रकरणात चौकशी होणार आहे. दरम्यान, 22 मे पर्यंत अशोक खरातला न्यायालयीन कोठडी सुनावण्यात आली आहे. (Rupali Chakankar SIT Inquiry Ashok Kharat Case)
रुपाली चाकणकरांनी गाडी बदलली- (Rupali Chakankar SIT Inquiry Ashok Kharat Case)
एसआयटी चौकशीसाठी रवाना होताना रुपाली चाकणकर यांनी वाटेत गाडीही बदलल्याची माहिती समोर येत आहे. तसेच पुण्याहून नाशिकला निघताना रुपाली चाकणकरांनी 3 ते 4 वेळा गाडीही थांबवली.
रुपाली चाकणकरांच्या चौकशीकडे सगळ्यांचं लक्ष- (Rupali Chakankar SIT Inquiry Ashok Kharat Case)
रूपाली चाकणकर पुण्याहून नाशिककडे रवाना झाल्या असून, सकाळी 10.30 ते 11 वाजताच्या सुमारास त्या एसआयटीच्या चौकशीला सामोरे जाणार आहेत. या प्रकरणात रूपाली चाकणकर यांच्यावर विविध आरोप करण्यात आले असून, आज एसआयटीकडून त्यांची सविस्तर चौकशी होणार आहे.
रुपाली चाकणकरांच्या भूमिकेवर विविध प्रश्न उपस्थित- (Rupali Chakankar SIT Inquiry Ashok Kharat Case)
अशोक खरातने स्थापन केलेल्या श्री शिवनिका संस्थेच्या विश्वस्त मंडळावर सलग दोन वेळा सदस्य राहिल्यामुळे रुपाली चाकणकरांच्या भूमिकेवर विविध प्रश्न उपस्थित करण्यात आले. तसेच अशोक खरातचे जाहीर कौतुक करताना, त्याचे पाय धुवतानाचे रुपाली चाकणकरांचे व्हिडीओही समोर आले. यानंतर रुपाली चाकणकरांना महिला आयोगाच्या अध्यक्षपदाचा आणि राष्ट्रवादी काँग्रेसच्या महिला प्रदेशाध्यक्षपदाचा राजीनामा द्यावा लागला होता. काही दिवसांआधी रुपाली चाकणकरांची बहीणीची देखील चौकशी झाली होती. त्यानंतर आज रुपाली चाकणकरांची एसआयटी चौकशी होणार आहे.
अशोक खरातच्या अडचणीत वाढ होणार- (Ashok Kharat Case)
अशोक खरात विरोधात पुढील आठवड्यात दोषारोपपत्र सादर होण्याची शक्यता आहे. एसआयटीकडून दोषारोपपत्र दाखल होणार आहे. अशोक खरात विरोधातील महिला अत्याचार प्रकरणाच्या 8 आणि फसवणुकीचा 1 असे एकूण 9 गुन्हे दाखल आहेत. अशोक खरातच्या अटकेनंतर 60 दिवसाच्या आता दोषारोपपत्र दाखल करण्याचा एसआयटीचा प्रयत्न आहे. आतापर्यंत करण्यात आलेला तापस, गोळा करण्यात आलेले पुरावे आणि नोंदविण्यात आलेल्या जबाबच्या आधारावर दोषारोपपत्र दाखल होणार आहे.
कल्पना खरातचा शोध लावण्यात पोलिसांना अपयश (Ashok Kharat Case)
अशोक खरातचा ताबा शिर्डी पोलिसांना मिळाल्यानंतर शिर्डी पोलिसांनी जमीन खरेदी फसवणूक व अवैध सावकारी गुन्ह्यात तपासाला वेग दिला आहे. मात्र अशोक खरात अर्धवट माहिती पोलिसांना देत असून कल्पना खरातबाबत त्याने पूर्णपणे मौन बाळगले असल्याची माहिती सूत्रांनी दिली आहे. एसआयटी पथकाने नाशिक प्रकरणातील निदा खानाला महिनाभरात ताब्यात घेतले असले तरी गेल्या 40 दिवसांपासून फरार असलेल्या कल्पना खरातचा शोध लावण्यात पोलिसांना अपयश आले आहे. आज या अशोक खरातची कोठडी संपणार असून आज जमीन खरेदी प्रकरणातील साक्षीदार व अशोक खरात यांची समोरासमोर चौकशी सुरू आहे.
खरात प्रकरणात रुपाली चाकणकर ,एसआयटीसमोर हजर राहणार, VIDEO:
संबंधित बातमी:
महत्त्वाच्या बातम्या
