Rupali Chakankar On SIT Inquiry Ashok Kharat Case: मी अशोक खरात आणि त्याच्या पत्नीला...; एसआयटी रुपाली चाकणकर चौकशीत काय काय म्हणाल्या?
Rupali Chakankar On SIT Inquiry Ashok Kharat Case: अशोक खरात प्रकरणातील एसआयटी चौकशीत रुपाली चाकणकर काय काय म्हणाल्या याची माहिती सूत्रांनी दिली आहे.
Rupali Chakankar On SIT Inquiry Ashok Kharat Case: राज्य महिला आयोगाच्या माजी अध्यक्षा राहिलेल्या रुपाली चाकणकर (Rupali Chakankar) सध्या चांगल्याच अडचणीत सापडल्या आहेत. नाशिकमधील भोंदू अशोक खरातसोबतचे (Ashok Kharat Case) फोटो व्हायरल झाल्यानंतर आधी रुपाली चाकणकरांचं पद गेलं. पुढे पक्षाच्या महिला प्रदेशाध्यक्षपदावरूनही त्यांना पायउतार व्हावं लागलं. या दोन धक्क्यांनंतर त्यांच्याभोवती आता चौकशीचा ससेमिरा लागला आहे. काल एसआयटी प्रमुख तेजस्वी सातपुतेंनी रुपाली चाकणकरांची तब्बल 6 तास चौकशी केली. (Rupali Chakankar SIT Inquiry)
महिला आयोगाच्या अध्यक्षपदावर असताना पदाचा गैरवापर केल्याचा ठपका रुपाली चाकणकरांवर आहे. खरातसोबतचे संबंध आणि त्यानंतर झालेल्या आरोपांच्या पार्श्वभूमीवर ही चौकशी झाली. दरम्यान या आधीच त्यांची बहीण प्रतिभा चाकणकर यांचीही चौकशी करण्यात आली. अशोक खरातने पतसंस्थेत उघडलेल्या बोगस खात्यांच्या प्रकरणात प्रतिभा चाकणकर यांची चौकशी झालेली. दरम्यान एसआयटीच्या सर्व प्रश्नांची उत्तरं दिली असून चौकशीत पूर्ण सहकार्य करणार असल्याचं रुपाली चाकणकरांनी सांगितलं. दरम्यान, एसआयटी चौकशीत रुपाली चाकणकर काय काय म्हणाल्या याची माहिती सूत्रांनी दिली आहे.
रुपाली चाकणकर एसआयटी चौकशीत काय काय म्हणाल्या? (Rupali Chakankar SIT Inquiry)
माझे कुटुंब वारकरी संप्रदायाचे असून, मी अशोक खरात आणि त्याच्या पत्नीला आध्यात्मिक श्रद्धेपोटी गुरू मानले होते, असं रुपाली चाकणकर एसआयटीसमोर म्हणाल्या. माझे आणि अशोक खरातचे आर्थिक संबंध नसून खरातकडे जाण्यासाठी मी कुणालाही आग्रह केला नाही, असं रुपाली चाकणकरांनी सांगितले. तसेच अशोक खरात याची दुसरी बाजू मला माहीत नव्हती, असा दावाही रुपाली चाकणकरांनी केला.
एसआयटीच्या चौकशीनंतर रुपाली चाकणकर काय म्हणाल्या? (Rupali Chakankar SIT Inquiry)
चौकशीत मी सगळ्या प्रश्नांची समर्पक उत्तर दिली आहेत. मला विश्वास वाटतो नक्कीच त्यांचं उत्तराने समाधान झालं असेल. पोलिसांना या तपासात जसं माझं सहकार्य हवं असेल ते पूर्णपणे मी सहकार्य करेन. काय प्रश्न विचारले हे अहवालातून तुम्हाला कळेल, असं रुपाली चाकणकर म्हणाल्या. पोलिसांना जे आवश्यक होतं त्यात मी सर्व सहकार्य केले. तपासात सविस्तर मी तपास यंत्रणासोबत बोलले. समर्पक उत्तर दिली आहे. चौकशी संदर्भात सविस्तर अहवाल तुमच्यापर्यंत येईल, असं रुपाली चाकणकरांनी सांगितले.
खरात गुरु, चौकशी सुरु; दमानियांचे संतप्त सवाल Special Report-
संबंधित बातमी:
Before You Go
Crime Patrol Style Theft Special Report : 'क्राईम पेट्रोल' पाहून रचला चेन स्नॅचिंगचा कट; पोलिसांनी मुसक्या आवळल्या
महत्त्वाच्या बातम्या
