Ashok Kharat : अशोक खरातचे व्हिडीओ व्हायरल करताय? सावधान! पोलीस अॅक्शन मोडवर, गुन्हे दाखल
Ashok Kharat Case : सोशल मीडियावर व्हायरल होणाऱ्या व्हिडीओमुळे पीडित महिलांची ओळख उघड होत आहे. त्यामुळे पोलिसांनी आता कारवाई सुरू केली आहे.
नाशिक : भोंदू अशोक खरात प्रकरणात आता पोलिसांनी मोठी कारवाई केली आहे. पीडित महिलांचे आक्षेपार्ह व्हिडीओ सोशल मीडियावर व्हायरल केल्याप्रकरणी नाशिकच्या सातपूर पोलीस ठाण्यात गुन्हा दाखल करण्यात आला आहे. विशेष म्हणजे, या प्रकरणात यापूर्वी एक गुन्हा दाखल असताना आता दुसऱ्यांदा गुन्हा नोंदवण्यात आल्याने पोलिसांची कारवाई अधिक कडक होत असल्याचं दिसत आहे.
या प्रकरणात सिडको आणि सातपूर वॉलमन ग्रुपच्या ॲडमिनसह काही सदस्यांवर कारवाई करण्यात आली आहे. सिद्धार्थ रामोशे, रमिज शेख, राहुल पवार, प्रवीण काटे, राहुल हिवाळे, साहिल सैय्यद यांच्यासह इतर सदस्यांविरोधात गुन्हा दाखल करण्यात आला आहे. पीडित महिलांचे व्हिडीओ व्हायरल केल्यामुळे त्यांची ओळख उघड होत असल्याचं पोलिसांच्या निदर्शनास आल्यानंतर ही कारवाई करण्यात आली.
Viral Video Case Nashik : व्हिडीओ व्हायरल करणाऱ्यांवर गुन्हा
सोशल मीडियावर पीडित महिलांचे व्हिडीओ शेअर करणं हा गंभीर गुन्हा असून यामुळे संबंधित महिलांच्या गोपनीयतेचा भंग होत असल्याचं पोलिसांनी स्पष्ट केलं आहे. त्यामुळे अशा प्रकारे व्हिडीओ प्रसारित करणाऱ्यांविरोधात कठोर कारवाई केली जात आहे.
Ashok Kharat Case : SIT कडून तपास सुरू
भोंदू अशोक खरात प्रकरणी महिलांचे लैंगिक शोषण झाल्याच्या आरोपांवरून आधीच गुन्हे दाखल असून SIT मार्फत या प्रकरणाचा सखोल तपास सुरू आहे. सरकारवाडा पोलीस ठाण्यातही खरातविरोधात गंभीर स्वरूपाचे गुन्हे नोंदवले गेले आहेत.
Police Warning On Ashok Kharat Case : पोलिसांचा इशारा
पोलिसांनी स्पष्ट इशारा दिला आहे की, पीडितांचे फोटो किंवा व्हिडीओ व्हायरल करणाऱ्यांवर कठोर कारवाई केली जाईल. अशा प्रकारच्या कृत्यांमध्ये सहभागी असलेल्यांची माहिती गोळा केली जात असून येत्या काळात आणखी गुन्हे दाखल होण्याची शक्यता आहे.
Nashik Crime Update : मनपा कर्मचाऱ्यांचाही समावेश?
या व्हिडीओ व्हायरल प्रकरणात नाशिक महानगरपालिकेतील काही कंत्राटी कर्मचाऱ्यांचाही सहभाग असल्याची माहिती समोर येत आहे. या अनुषंगानेही तपास सुरू असून दोषींवर कडक कारवाई केली जाणार आहे.
अहिल्यानगरमध्ये तिघांविरोधात कारवाई
अशोक खरात प्रकरणात पीडित महिलांचे फोटो आणि व्हिडीओ शेअर करणाऱ्यांविरोधात गुन्हा दाखल करण्यात आला आहे. अहिल्यानगरमधील कोपरगावात तीन जाणांविरोधात कारवाई करण्यात आली. पीडित महिलांचे व्हिडीओ देणार, घेणारा आणि व्हॉट्सअॅप ग्रुपवर व्हायरल करणाऱ्यांविरोधात गुन्हा करण्यात येणार आहे. महिलांची ओळख पटेल असे व्हिडीओ जर व्हायरल केले तर व्हाट्सऍप ग्रुपवर तो व्हिडीओ शेअर करणारा, तसेच ग्रुप अॅडमिन विरोधात कारवाई केली जाणार आहे.
ही बातमी वाचा:
महत्त्वाच्या बातम्या
