मोठी बातमी: दिशा सालियन प्रकरणात अखेर मुंंबई पोलिसांकडून गुन्हा दाखल, अत्याचार आणि हत्येचा ठपका
दिवंगत अभिनेता सुशांत सिंह राजपूतची मॅनेजर म्हणून दिशा काम करत होती. तर, त्यापूर्वीही काही अभिनेत्यांसाठी तिने मॅनेजर म्हणून काम केलं आहे.
मुंबई - राजधानी मुंबईतील बहुचर्चित दिशा सालियन (Disha salian) मृत्यू प्रकरणी अखेर गुन्हा दाखल करण्यात आला आहे. दिशाचे वडील सतिश सालियान यांनी दोन दिवसांपूर्वी सीबीआयकडे आपला जबाब नोंद केला होता. त्यानंतर, आरोपींना लवकर अटक करावी, अशी मागणीही त्यांनी केली होती. त्यानुसार, सीबीआयने सतिश सालियान यांच्या जबाबावर दिशाच्या मृत्यूप्रकरणात अखेर गुन्हा दाखल करत एफआयआर नोंदवला आहे. मात्र, या एफआयआरमध्ये (FIR) नेमकं कोणाला आरोपी करण्यात आलंय, ते अद्याप समोर आलं नाही.
दिवंगत अभिनेता सुशांत सिंह राजपूतची मॅनेजर म्हणून दिशा काम करत होती. तर, त्यापूर्वीही काही अभिनेत्यांसाठी तिने मॅनेजर म्हणून काम केलं आहे. मात्र, सुशांतच्या मृत्यूपूर्वी अवघ्या 6 दिवस अगोदर दिशाचा मृत्यू झाला होता. त्यावेळी, दिशाने आत्महत्या केल्याचं सांगण्यात आलं होतं. तर, दिशाने आत्महत्या केली असून तिच्या मृत्यूमागे कटकारस्थान असल्याचा आरोप तिच्या पालकांनी केला होता. तसेच, दिशावर अत्याचारकरून हत्या केल्याचा देखील आरोप करण्यात येत होता. अखेर, उच्च न्यायालयाच्या आदेशानंतर दिशाच्या मृत्यूप्रकरणी सहा वर्षांनी गुन्हा दाखल करण्यात आला.
भा.दं.वि. कलम ३०२ (हत्या) ३७६ (सामूहिक अत्याचार), १२०(ब) कट रचणे, २०१ (पुरावे नष्ट करणे) तसेच २१७ आणि २१८ अंतर्गत गुन्हा दाखल करण्यात आला आहे. त्यामुळे, सामूहिक अत्याचार आणि खून प्रकरणाचा गुन्हा दाखल झाला आहे.
14 व्या मजल्यावरुन पडून मृत्यू
बॉलिवूड अभिनेता सुशांत सिंह राजपूतची माजी मॅनेजर दिशा सालियन हिच्या मृत्यूबाबत सीबीआय (CBI) चौकशी आणि एफआयआर (FIR) दाखल करण्याचे निर्देशही उच्च न्यायालयाने दिले आहेत. 8 जून 2020 रोजी मुंबईतील मालाड येथील एका इमारतीच्या 14 व्या मजल्यावरून पडून दिशाचा मृत्यू झाला होता. दिशाच्या मृत्यूनंतर अवघ्या सहा दिवसांनी, म्हणजेच 14 जून 2020 रोजी सुशांत सिंह राजपूतचाही मृत्यू झालेला. दरम्यान, दिशाचे वडील सतीश सालियन यांनी उच्च न्यायालयात याचिका दाखल करून आपल्या मुलीच्या मृत्यूची नव्यानं चौकशी करण्याची आणि सीबीआयद्वारे तपास करण्याची मागणी केली होती.
Disha Salian Death Report : दिशा सालियन मृत्यू अहवालात काय?
दिशा सालियनचा मृत्यू 8 जून 2020 रोजी झाला होता. त्यानंतर तीन दिवसांनी तिचे पोस्टमॉर्टम झाल्याची नोंद आहे. त्यामध्ये दिशाच्या शरीरावर हाताला, पायाला, छातीवरही जखमा झाल्याचा उल्लेख करण्यात आला आहे. दिशाच्या डोक्यावर गंभीर जखम झाल्यामुळेच तिचा मृत्यू झाल्याचं या रिपोर्टमध्ये नमूद करण्यात आलं आहे. तसेच दिशाच्या नाकातून आणि तोंडातून देखील रक्त येत होतं, असं देखील रिपोर्टमध्ये नमूद करण्यात आलं आहे. मात्र तिच्यावरती कुठलाही लैंगिक अत्याचार किंवा बलात्कार झालेला नाही असं रिपोर्टमध्ये स्पष्टपणे नमूद करण्यात आलं आहे.
महत्त्वाच्या बातम्या
