मिरा-भाईंदरमध्ये MBMT बस चालकावर हल्ला; 9 आरोपींवर गुन्हा, सीसीटीव्हीत घटना कैद
MBMT Bus Driver Assault Case : मिरा-भाईंदरमध्ये MBMT बस चालकावर झालेल्या हल्ल्याप्रकरणात 9 आरोपींवर गुन्हा दाखल करण्यात आला आहे.
ठाणे : मिरा-भाईंदर शहरात पुन्हा एकदा रस्ते वादातून हिंसक प्रकार घडल्याची धक्कादायक घटना समोर आली आहे. मिरा-भाईंदर महानगरपालिका परिवहन (MBMT) बस चालकावर स्कुटीस्वार आणि त्याच्या साथीदारांनी बेदम मारहाण केल्याची घटना गायमुख परिसरात घडली असून, या प्रकरणी 9 जणांविरुद्ध गुन्हा दाखल करण्यात आला आहे.
मिळालेल्या माहितीनुसार, 9 एप्रिल रोजी दुपारी सुमारे 3 वाजून 55 वाजण्याच्या सुमारास ही घटना घडली. स्कुटी चालकाने बसला अचानक कट मारल्याने दोघांमध्ये वाद झाला. हा वाद पुढे चिघळत गेला आणि स्कुटी चालकाने आपल्या साथीदारांना कोपरी बस डेपो येथे बोलावून घेतले. त्यानंतर जमावाने बस चालकावर दांडक्याने तसेच ठोसे-बुक्क्यांनी मारहाण करत त्यांचे कपडेही फाडले.
MBMT Bus Driver Assault : चालक गंभीर जखमी
या हल्ल्यात बस चालक शंकर गजानन चव्हाण गंभीर जखमी झाले असून त्यांना उपचारासाठी खासगी रुग्णालयात दाखल करण्यात आले आहे. घटनेमुळे परिसरात काही काळ तणावाचे वातावरण निर्माण झाले होते.
CCTV Footage Viral : संपूर्ण घटना कॅमेऱ्यात कैद
या मारहाणीची संपूर्ण घटना बसमधील सीसीटीव्ही कॅमेऱ्यात कैद झाली असून, हा व्हिडीओ आता समोर आला आहे. या व्हिडीओच्या आधारे पोलिसांनी आरोपींची ओळख पटवण्याची प्रक्रिया सुरू केली आहे.
Police Action : 9 आरोपींवर गुन्हा
या प्रकरणी कोपरी पोलीस ठाण्यात एकूण 9 आरोपींविरुद्ध विविध कलमांखाली गुन्हा नोंदवण्यात आला आहे. पोलिसांकडून पुढील तपास सुरू असून आरोपींचा शोध घेतला जात आहे.
Transport Safety Issue : परिवहन कर्मचाऱ्यांच्या सुरक्षेचा प्रश्न ऐरणीवर
अशा प्रकारच्या घटना वारंवार घडत असल्याने परिवहन कर्मचाऱ्यांच्या सुरक्षेचा प्रश्न पुन्हा ऐरणीवर आला आहे. चालक आणि कर्मचाऱ्यांच्या सुरक्षेसाठी कडक उपाययोजना करण्याची मागणी होत आहे.
ही बातमी वाचा:
महत्त्वाच्या बातम्या
