अल्पवयीन मुलीवर बलात्कार करणाऱ्या महाराजाला अटक, मीरा-भाईंदरमधील घटना
अल्पवयीन मुलीची विचारपूस केली असता एका महाराजाने तिच्यावर अनेकदा बळजबरीने लैंगिक अत्याचार केल्याचे उघडकीस आले.
मीरा भाईंदर : एका 16 वर्षाच्या अल्पवयीन मुलीवर सातत्याने बलात्कार करणाऱ्या एका 60 वर्षीय महाराजला नया नगर पोलिसांनी अटक केली आहे. मीरारोडमध्ये राहणारा हा महाराज मूळचा गुजरातचा आहे.
मिरारोड पूर्वेकडील महामार्गावर दीपक हॉस्पिटलच्या समोर असलेल्या पय्याडे हॉटेलमध्ये वेश्याव्यवसाय चालू असल्याची गुप्त माहिती मिळाल्यानंतर अनैतिक मानवी वाहतूक प्रतिबंधक शाखेने मीरारोडच्या पय्याडे हॉटेलवर धाड टाकून वेश्यागमनसाठी आणलेल्या तीन पीडित मुलींची सुटका केली होती. त्यामध्ये एक 16 वर्षांची अल्पवयीन मुलगी देखील होती.
नया नगर पोलिस ठाण्याने त्या अल्पवयीन मुलीची विचारपूस केली असता एका महाराजाने तिच्यावर अनेकदा बळजबरीने लैंगिक अत्याचार केल्याचे उघडकीस आले. मिळालेल्या माहितीची पोलिसांनी खात्री केल्या नंतर त्या 60 वर्षीय महाराजला अटक केली आहे.
नया नगर पोलिसांनी बाल लैंगिक अत्याचार प्रतिबंधक कायद्या सह संबंधित कायदे कलम नुसार या महाराजवर गुन्हा दाखल केला असून पुढील चौकशी केली जात आहे.
महत्त्वाच्या बातम्या
