सुटकेसमध्ये महिलेची बॉडी, कुजलेला वास दूरवर पोहोचला, CCTV, बेपत्ता तक्रारी तपासल्या... लातूरमधील अंगावर काटा आणणारा थरार
Latur Crime: दूरवर दुर्गंधी पसरल्याने ही घटना समोर आली होती . दरम्यान या अज्ञात महिलेच्या खुनाचा सुगावा लागत नव्हता
Latur Crime: लातूर जिल्ह्यातील चाकूर तालुक्यात वाढवणा चाकूर रोडवर एका शिवारा जवळील तीरू नदीच्या कडेला झुडपात एका बागेत अज्ञात महिलेचा मृतदेह आढळून आला होता . मृतदेह पाण्याच्या बाजूला असलेल्या झुडपात कुजलेल्या अवस्थेत सापडला .त्यामुळे दूरवर दुर्गंधी पसरल्याने ही घटना समोर आली होती . दरम्यान या अज्ञात महिलेच्या खुनाचा सुगावा लागत नव्हता .जिल्ह्यातील सर्व मिसिंग कंप्लेंट आणि किडनॅपिंग संदर्भातील सर्व प्रकरणे पडताळल्यानंतर महिलेचा खून तिचा पती जीया उलहक याने प्रेम संबंधाच्या संशयातून केल्याचं पोलीस तपासातून समोर आलं आहे .या संदर्भात पतीनेच पत्नीची बेपत्ता तक्रार नोंदवल्याचा समोर आलं आणि गुन्ह्याची उकल होण्यास सुरुवात झाली .
या प्रकरणाचा छडा लावण्यासाठी तीन पथके वेगवेगळ्या पद्धतीने तपास करत होती .अखेर 300 बेपत्ता तक्रारी आणि साधारण 70 च्या जवळपास किडनॅपिंग केसेस तपासल्यानंतर आरोपीला जेरबंद करण्यात पोलिसांना यश आलं .
डिजिटल चित्र, सीसीटीव्ही फुटेज तपासले
तिरु नदीच्या काठी बॅगमध्ये एका अज्ञात महिलेचा मृतदेह आढळल्याने लातूरमध्ये मोठी खळबळ उडाली होती .पोलिसांनी पाच पथके तयार करत हे गुन्ह्याचा छडा लावला .पाण्यामुळे विद्रूप झालेला चेहरा गुन्ह्याचा माग काढण्यासाठी उपलब्ध नसलेली माहिती असे मोठे आव्हान पोलिसांसमोर होते .त्यामुळे आधी विद्रूप झालेल्या अज्ञात मृत महिलेचा चेहऱ्याचे स्केच तयार करण्यात आले .यायचा वापर करत डिजिटल चित्र तयार करण्यात आले .तांत्रिक माहिती साक्षीदारांचे जबाब, तसेच सीसीटीव्ही फुटेज च्या माध्यमातून पोलिसांना तपासात यश मिळाला आहे . 24 ऑगस्ट रोजी ही घटना उघडकीस आली होती .मृत महिलेची ओळख फरिदा खातून अशी झाली असून तिच्या पतीनेच परपुरुषाशी संबंध असल्याच्या संशयातून काही साथीदारांच्या मदतीने तिचा खून केला .तिचा मृतदेह सुटकेसमध्ये भरला .आणि सुटकेस नदीकाठी फेकून दिली .अटक आरोपींमध्ये जीया उल हक (वय 34), सज्जाद जरूल अन्सारी (19), अरबाज जमलू अन्सारी (19), साकीर इब्राहिम अन्सारी (24) आणि आजम अली उर्फ गुड्डू (19) यांचा समावेश आहे. सर्व आरोपींनी गुन्ह्याची कबुली दिली असून न्यायालयाने त्यांना 5 दिवसांची पोलीस कोठडी सुनावली आहे.
हेही वाचा
महत्त्वाच्या बातम्या
