Accident News: न्यायाधीशांच्या अल्पवयीन मुलानं घरातून गाडी नेली; मध्यरात्रीच्या सुमारास दिली दुचाकीस्वाराला दिली धडक, एकाचा दुर्दैवी मृत्यू, नेमकं काय घडलं?
Accident News: अपघात झाला तेव्हा कारमध्ये तो एकटाच होता आणि वल्लारपदम येथून कलामासेरीच्या दिशेने जात होता. त्याच दिशेने जाणाऱ्या एका स्कूटरला कारने मागून जोरात धडक दिली.
केरळ: केरळमधील एरणाकुलम जिल्ह्यात आज (रविवारी, ता २५) पहाटे एका भरधाव मर्सिडीज-बेंज कारने दुचाकीस्वाराला जोरदार धडक दिली. या भीषण अपघातात दुचाकीस्वाराचा जागीच (Accident News) मृत्यू झाला आहे. पोलिसांनी दिलेल्या माहितीनुसार, १७ वर्षांचा अल्पवयीन आरोपी हा आपल्या आई-वडिलांना न सांगता त्यांच्या नावावर नोंदणीकृत असलेली लक्झरी कार घेऊन घराबाहेर पडला होता. अपघात झाला तेव्हा कारमध्ये तो एकटाच (Accident News) होता आणि वल्लारपदम येथून कलामासेरीच्या दिशेने जात होता. त्याच दिशेने जाणाऱ्या एका स्कूटरला कारने मागून जोरात धडक दिली.(Accident News)
हा भीषण अपघात चेरानल्लूर येथील कंटेनर रोडवरील मारापरम्बुजवळ असलेल्या फोर्ड शोरूमसमोर पहाटे 2:20 वाजण्याच्या सुमारास घडला. या अपघातात मृत्युमुखी पडलेल्या व्यक्तीचे नाव जयाबालकृष्णन असे असून, ते चेरानल्लूर येथील साऊथ चित्तूर, नेल्लुवेलिलचे रहिवासी होते. ते आपले छोटेसे दुकान बंद करून रात्री घरी परतत असताना हा अपघात घडला.(Accident News)
आरोपी अल्पवयीन, वडीलांच्या पदाचा वापर करत असल्याचा आरोप
अपघात करणारा 17 वर्षांचा मुलगा हा त्रिशूर जिल्ह्यातील अतिरिक्त जिल्हा न्यायाधीशांचा (अॅडिशनल डिस्ट्रिक्ट जज) मुलगा आहे. चेरानल्लूर पोलिसांनी या प्रकरणी भारतीय न्याय संहिता (BNS) च्या कलम 106(1) (निष्काळजीपणाने मृत्यू घडवून आणणे) आणि कलम 281 (निष्काळजीपणाने वाहन चालवणे) अंतर्गत गुन्हा दाखल केला आहे. पोलिसांनी त्या अल्पवयीन मुलाला ताब्यात घेतले आहे.
मृतकाच्या कुटुंबाने न्यायाधीशांवर केले गंभीर आरोप
दरम्यान, मृत जयाबालकृष्णन यांच्या कुटुंबाने न्यायाधीशांवर गंभीर आरोप केले आहेत. न्यायाधीशांनी आपल्या अल्पवयीन मुलाला वाचवण्यासाठी या प्रकरणात हस्तक्षेप केल्याचा दावा कुटुंबाने केला आहे. तसेच, मुलाकडे वैध ड्रायव्हिंग लायसन्स (चालक परवाना) नव्हते, असेही त्यांनी सांगितले. पोलिसांनी स्पष्ट केले आहे की, ते वाहन मालकाची जबाबदारी निश्चित करण्याची प्रक्रिया पूर्ण करत आहेत. तसेच, अपघाताच्या वेळी हा अल्पवयीन मुलगा मद्यधुंद अवस्थेत होता की नाही, हे तपासण्यासाठी त्याच्या वैद्यकीय (मेडिकल) अहवालाची प्रतिक्षा आहे.
"आम्हाला कायदा शिकवू नका"; न्यायाधीशांचा संताप
मृतकाच्या नातेवाईक जयालक्ष्मी यांनी आरोप केला की, अपघाताची माहिती मिळताच न्यायाधीश स्वतः पोलीस ठाण्यात आले. जेव्हा कुटुंबाने या घटनेतील त्यांच्या जबाबदारीबाबत प्रश्न विचारले, तेव्हा त्यांनी उलट कुटुंबालाच धमकावले. माध्यमांशी बोलताना त्या म्हणाल्या, "जेव्हा मी न्यायाधीशांना विचारले की, अल्पवयीन मुलांना गाडी चालवण्यापासून रोखणाऱ्या कायद्याविषयी तुम्हाला माहिती नाही का? तेव्हा ते माझ्यावर भडकले आणि त्यांनी आम्हाला 'मला कायदा शिकवू नका' असे सुनावले. तसेच मुलाला कोणतेही प्रश्न न विचारण्यास सांगितले. पोलिसांनीही पुरावे नष्ट करण्यासाठी तातडीने ती कार घटनास्थळावरून हटवली. एका न्यायमूर्तीच्या पदावर बसलेल्या व्यक्तीचा अहंकार या घटनेतून स्पष्ट दिसतो, त्यामुळे आम्ही या विरोधात कायदेशीर लढा देऊ."
महत्त्वाच्या बातम्या
