बनावट नोटांची छपाई करणाऱ्या रॅकेटचा पर्दाफाश, इन्स्टाग्राम रील्स पाहून बनवल्या नोटा, बंडलच्या वर खऱ्या तर खाली खोट्या नोटा
नोएडामध्ये धक्कादायक घटना घडली आहे. इन्स्टाग्राम रील्स पाहून बनावट नोटा बनवल्या 100 रुपयांच्या नोटा बनलल्या जात होत्या
Instagram Reels News : उत्तर प्रदेशातील नोएडामध्ये धक्कादायक घटना घडली आहे. इन्स्टाग्राम रील्स पाहून बनावट नोटा बनवल्या 100 रुपयांच्या नोटा बनलल्या जात होत्या. ग्रेटर नोएडा येथील इकोटेक 1 पोलीस स्टेशन आणि स्पेशल ऑपरेशन्स ग्रुप (एसओजी) च्या पथकाने बनावट नोटांची छपाई आणि तस्करी करणाऱ्या एका रॅकेटचा पर्दाफाश केला आहे. या प्रकरणी तीन आरोपींना अटक केली आहे. पोलिसांनी आरोपींकडून प्रत्येकी 100 रुपयांच्या एकूण 2549 बनावट नोटा जप्त केल्या आहेत. जप्त केलेल्या नोटांचे एकूण मूल्य अंदाजे 254900 रुपये आहे.
मिळालेल्या माहितीनुसार, आरोपींकडून बनावट नोटा छापण्यासाठी वापरले जाणारे प्रिंटर, नोटा कापण्याचे मशीन, एक स्कॉर्पिओ कार, चार मोबाईल फोन, ओळखपत्रे आणि इतर कागदपत्रेही जप्त करण्यात आली आहेत. सोमवारी रात्री, पोलीस आणि स्पेशल ऑपरेशन्स ग्रुप (एसओजी) सिरसा चौकात तपासणी करत असताना त्यांनी एका स्कॉर्पिओ कारमधील तीन संशयितांना पकडले.
त्यावर छापलेला एकच अनुक्रमांक
झडतीदरम्यान बनावट नोटा जप्त करण्यात आल्या. या सर्व बनावट नोटांवर एकच अनुक्रमांक होता. आरोपी या नोटा बाजारात चलनात आणण्यासाठी आणि विकण्यासाठी त्यांची वाहतूक करत होते. अटक करण्यात आलेल्या आरोपींची नावे बंटी अत्री, खुशदिल आणि उपेंद्र कुमार अशी आहेत. हे तिन्ही आरोपी अलीगढ जिल्ह्यातील वेगवेगळ्या गावांचे रहिवासी आहेत.
बंडलच्या वर आणि खाली खऱ्या नोटा
एडीसीपी अभय मिश्रा यांनी सांगितले की, आरोपींनी आधी खऱ्या नोटा स्कॅन केल्या. त्यानंतर, प्रिंटरचा वापर करून त्यांनी त्याच अनुक्रमांकाच्या बनावट नोटा तयार केल्या. नोटांना आकार देण्यासाठी कटिंग मशीनचा वापर करण्यात आला. आरोपींनी बनावट नोटांचे बंडल तयार केले आणि बंडलच्या वर व खाली खऱ्या नोटा ठेवल्या. याव्यतिरिक्त, बंडल खरा वाटावा यासाठी, कॅनरा बँकेचे डिपॉझिट फॉर्म रबर बँडने दोन्ही टोकांना बांधले होते.
या व्यक्तींनी इन्स्टाग्राम रील्स पाहून या बनावट नोटा बनवायला शिकले होते आणि ते सुमारे तीन महिन्यांपासून याचा सराव करत होते. 100 रुपयांची नोट बनवण्याचा खर्च अंदाजे 15 रुपये होता. त्यांनी बनावट नोटा वापरून अनेक लोकांची फसवणूक केली होती.
महत्त्वाच्या बातम्या
