Dhule Crime : धुळ्यात धक्कादायक प्रकार! शाळकरी मुलीला प्रेमाच्या जाळ्यात ओढून अत्याचार; तिघांवर पॉस्को अंतर्गत गुन्हा दाखल
Dhule Crime News Updates : पीडितेच्या अज्ञानाचा गैरफायदा घेत तीन नराधमांनी तिच्यावर सातत्याने अत्याचार केले. हा सगळा प्रकार समोर आल्यानंतर पीडितेच्या कुटुंबीयांनी पोलिसात धाव घेतली.
धुळे : प्रेमाचं आणि लग्नाचं आमिष दाखवून एका 15 वर्षीय अल्पवयीन शाळकरी मुलीवर अत्याचार करण्यात आल्याचा संतापजनक प्रकार धुळे शहरात उघडकीस आला आहे. या धक्कादायक घटनेमुळे संपूर्ण परिसरात एकच खळबळ उडाली. या प्रकरणी पश्चिम देवपूर पोलीस ठाण्यात तीन नराधम तरुणांविरोधात बाल लैंगिक अत्याचार प्रतिबंधक कायद्यांतर्गत (POCSO) गुन्हा दाखल करण्यात आला आहे.
पश्चिम देवपूर पोलीस ठाण्याच्या हद्दीतील नकाणे गावात राहणाऱ्या आणि 10 वीत शिकत असलेल्या एका मुलीला गावातीलच तीन तरुणांनी संगनमत करून आपल्या जाळ्यात ओढलं होतं. या तिघांनीही तिच्यावर सातत्याने अत्याचार केले. गेल्या 11 महिन्यांपासून हा छळ आणि घृणास्पद प्रकार सुरू असल्याची माहिती समोर आली आहे.
Dhule Cafe Crime : देवपूर परिसरातील कॅफेमध्ये अत्याचार
पोलीस तपासात समोर आलेल्या प्राथमिक माहितीनुसार, एका आरोपीने आधी पीडित मुलीला प्रेमाच्या जाळ्यात ओढून तिच्याशी जवळीक साधली होती. मात्र, काही दिवसांनी त्याचे वर्तन, चुकीच्या सवयी आणि व्यसनाधीनता लक्षात आल्यावर पीडितेने त्याच्यापासून स्वतःला दूर केलं.
या गोष्टीचा राग मनात धरून मुख्य आरोपीने पीडित मुलीला मानसिक आणि शारीरिक त्रास देण्यास सुरुवात केली. यानंतर, याच तरुणाच्या दुसऱ्या एका मित्राने मध्यस्थीचा आव आणला. त्याने मुलीला समजावण्याच्या बहाण्याने पुन्हा लग्नाचे आमिष दाखवून तिला तिसऱ्या एका तरुणाच्या जाळ्यात ढकलले. पीडितेच्या अज्ञानाचा गैरफायदा घेत या नराधमांनी तिला देवपूर भागातील एका खासगी कॅफेमध्ये नेले आणि तिथे तिच्यावर वारंवार अत्याचार केले.
Dhule Assault Case : पोलिसांत गुन्हा दाखल, तपास सुरू
पीडित मुलीच्या सोबत घडलेला हा संपूर्ण प्रकार जेव्हा तिच्या कुटुंबीयांना समजला, तेव्हा त्यांच्या पायाखालची जमीन सरकली. त्यांनी तात्काळ पश्चिम देवपूर पोलीस ठाणे गाठून फिर्याद दिली. पोलिसांनी प्रकरणाचे गांभीर्य आणि संवेदनशीलता ओळखून तातडीने पावले उचलली आणि तिन्ही संशयित आरोपींविरुद्ध पॉस्को (POCSO) कायद्यासह विविध कलमांन्वये गंभीर गुन्हा दाखल केला आहे. पोलीस या प्रकरणाचा पुढील सखोल तपास करत असून आरोपींच्या मुसक्या आवळण्याची प्रक्रिया सुरू आहे.
ही बातमी वाचा:
महत्त्वाच्या बातम्या
